Благој Ѓорев
Благој Димев Ѓорев (Велес, 8 февруари 1922 – Ново Село, Велешко, 1 ноември 1942) — македонски комунист, учесник во НОБ.
| Благој Ѓорев | ||
| ||
| Роден | 8 февруари 1922 Велес, Кралство СХС | |
|---|---|---|
| Починал | 1 ноември 1942 (возр. 20) Ново Село, Велешко | |
Бил член на СКОЈ од 1940 г, а на Комунистичката партија од 1941 година. Бил младински и партиски активист од 1941 г, еден од првите борци на Велешкиот партизански одред „Димитар Влахов“ (од април 1942). Во неговата куќа (1941) се печател партискиот весник „Народен глас“. Бил член на МК на КПЈ за Велес и секретар на СКОЈ (1942). Во Одредот ја извршувал функцијата заменик политички комесар. Учествувал во сите борбени судири со бугарската војска и полиција. Бил убиен во заседа од бугарската полиција.[1]
Во чест на Ѓорев е наречена велешката фабрика за маслени и прехранбени производи ПИ „Благој Ѓорев“, која стопанисува со марката „Кристал“.[2]
Наводи уреди
- ↑ Македонска енциклопедија, МАНУ, Скопје, 2009, стр. 505
- ↑ За нас Архивирано на 17 август 2013 г. — ПИ „Благој Ѓорев“