Ар

Оваа статија се однесува на мерната единица за површина. За други значења на поимот, погл. Ар (појаснување).

Споредба на единици за површина

Единица	најблиска SI	основна SI
1 ca	1 m2	1 m2
1 a	1 dam2	102 m2
1 ha	1 hm2	104 m2
100 ha	1 км2	106 m2
Споредби вон SI
вон SI	метричка	основна SI
119.6 sq yard	1 a	102 m2
1076.39 sq ft	1 a	102 m2

Ар (симбол: a) е мерна единица за површина, еднаква на 100 метри квадратни (10 m × 10 m), која се користи за изразување на големина на земјиште. Оваа единица била дефинирана според постарите облици во метричкиот систем, и така денес не припаѓа на системот SI.

Оваа единица се користи во многу земји, а особено многу во Индонезија, француско-, португалско-, словачко-, чешко-, полско-, холандско- и германско-говорни земји за мерење на недвижности; во останатите земји обично се користи квадратниот метар. Арот понекогаш се користи во комбинација со центиарот, како да речеме „10 ари 12 центиари“ = 1012 m². Поголеми земјишта се мерат во хектари. Во земјите кои порано биле под турска власт се користи декарот, честопати под локални називи. Други претставки за множители или делители на арот не се користат вон науката. Постојат и други локални единици кои се точни множители на арот, како на пример тајландскиот раи (= 16 a).

„Сотка“

Арот е стандардна единица мерка за приватни плацови и парцели (наспроти големи индустриски и земјоделски имоти) во Русија и сите земји на поранешниот Советски Сојуз. Но бидејќи изворниот збор „ар“ никогаш не се употребувал во Русија, за мерење земјиште постои само зборот „хектар“, додека арот се нарекува „сотка“ (мак. стотка, т.е. стотинка). Така, во рускиот јазик хектарот игра улога на основна единица, а сотката е изведена, со значење „центихектар“, или (1 a × 100 ÷ 100).

Претворање

Еден ар е еднаков на:

Метрички

• 0.0001 км² (квадратни километри)
• 0.01 ха (хектари)
• 1 дам² = 10 m × 10 м (квадрат со страна од 10 метри)
• 100 м² (квадратни метри)
• 100 ca (центиари)

Англиски единици

• 0.000 038 610 2 квадратни милји (статутни)
• 0.024 710 538 меѓународни акри
• 0.024 710 439 американски геометарски акри
• приближно 1076.39 квадратни стапки

Други

• 0,1 стрема

Поврзано

• 1 E2 m² за споредба со други површини