Саракина (планина во средишно Костурско)
Саракина (Апоскепска Планина или Света Троица; грчки: Σαρακήνα, Απόσκεπος или Αγία Τριάδα) — ниска планина во Костурско, Егејска Македонија. Висока е 1.384 м.[1]
| Саракина | |
|---|---|
| Σαρακήνα | |
Саракина на карта
| |
| Највисока точка | |
| Надм. вис. | 1.384 м |
| Координати | 40°32′46″N 21°13′10″E / 40.5461° СГШ; 21.2194° ИГД |
| Географија | |
| Место | Костурско, Егејска Македонија |
| Матичен венец | Нередска Планина |
 | |
Опис
уредиПланината е сместена во средишниот дел на Костурско, над западниот брег на Костурското Езеро и градот Костур. Ова е долга и тесна планина, во насока северозапад-југоисток, и е дел од Нередска Планина (Вич). Од неа на север е одвоена на висина од 940 м[1] со Апоскепска Река, која тече на југоисток кон езерото реката Лута, која тече на северозапад кон Бистрица (Рулска Река). На запад, југозапад и југ достигнува до реката Бистрица и клисурата Берик. Во северното поножје е селото Апоскеп, во јужното се Сливени и Жупаништа, Орман и Ново Жупаништа. Преку седло кај селото Мањак се граничи со Црна Планина.
На картата на Кондогонис (1910 г.) планината се води под името Саракина,[1], а истото го спомнува и патешественикот Франсоа Пуквил во 1806 г.[1][2] На картата на австроунгарскиот генералштаб планината исто така е под името Саракина (Sarakina). На картите на Грчката военокартографска служба од 1934 и 1945 г. врвот е посочен како Апоскеп (Απόσκεπος). На следните карти на истата служба, тој се прикажува како Агија Триас (Αγία Τριάς). Картите на Националната статистичка служба на Грција (НСС) од 1963 и 1983 г. го споменуваат како Апоскеп (Απόσκεπος). На старите карти неговата височина се води како 1.387 .[1]
Карпите на планината се варовнички. Костурското Езеро е вклучено во мрежата на заштитени подрачја „Натура 2000“ и е утврдено како важна зона за птиците.[1]
Врвот може да се искачи од точка на патот (940 м) малку на север од с. Апоскеп на 880 м или од Жупаништа на 700 м во траење од 2 ⁄1 часа.[1]
Врвови
уредиОва се врвовите на Саракина, подредени по висина:[1]
| Име | Грчки | Висина (м) |
Местоположба |
|---|---|---|---|
| Апоскеп | Απόσκεπος | 1.384 | на главното било, најсеверозападниот од трите главни врва |
| Ухи | Ούχι, Όχι | 1.230 | на главното било, средишниот од трите главни врва |
| Селица | Σέλιτσα, Πευκών | 1.171 | југозападно над Апоскеп, источно од главниот врв Апоскеп |
| Бигла[3] | Βίγλα, Κορυφή | 1.100 | на главното било, најјугоисточниот од трите главни врва, над Костур |
| Малос | Μάλος | 973 | во југозападниот дел на планината, источно над Сливени |
| Скерса | Σκέρσα | 970 | во најсеверниот дел на планината, над реките Бистрица (Рулска Река) и Лута |
| Свети Илиja | Προφήτης Ηλίας | во југозападниот дел на планината, источно над Сливени |
Поврзано
уредиНаводи
уреди- ↑ 1,0 1,1 1,2 1,3 1,4 1,5 1,6 1,7 Νέζης, Νίκος (2010). Τα ελληνικά βουνά : γεωγραφική εγκυκλοπαίδεια. Τόμος 2. Ηπειρωτική Ελλάδα. Πελοπόννησος - Στερεά Ελλάδα - Θεσσαλία - Ήπειρος - Μακεδονία - Θράκη. Αθήνα: Ελληνική Ομοσπονδία Ορειβασίας Αναρρίχησης : Κληροδότημα Αθ. Λευκαδίτη. стр. 358. ISBN 978-960-86676-6-2.
- ↑ Pouqueville, F.-C.-H.-L (MDCCCXXVI). Voyage de la Grèce. III (Deuxième édition. изд.). Paris: Chez Firmin Didot père et fils. стр. 16. Проверете ги датумските вредности во:
|year=(help) - ↑ Марков, Георги Христов (2002). Хрупищко (PDF). Хасково: Държавен архив - Хасково, Интерфейс. стр. 18. ISBN 954-90993-1-8.