Антимилос

Антимилос (грчки: Αντίμηλος) ― грчки остров на Кикладите, 21 км северозападно од Милос. Административно е дел од општината Милос. Антимилос е ненаселена маса од трахит (висина од 671 м), често наречена Еримомилос (Пустински Милос). Станува збор за вулкански остров и кратерот се уште е очигледен. Античките жители го преобразиле кратерот во отворен резервоар за дожд. На островот живее ретка варијација на обичната коза, наречена Capra aegagrus pictus. Таа е слична, но не иста како критската коза позната како „ кри-кри “ (Capra aegagrus creticus).

Антимилос

Αντίμηλος
Поглед од Милос во август 2014 година.
Географија
Координати	36°47′13″N 24°14′19″E
Архипелаг	Киклади
Највисоко место	671 м
Држава
Грција
Област	Јужен Егеј
Округ	Милос
Демографија
Население	0 (2001)

Историја

Според толкувањето на Хомеровата „Одисеја“, тоа е островот на богот на сонцето Хелиј, каде што придружниците на Одисеј го заклале светиот добиток на богот на сонцето. Претходно, островот бил познат и по името Ефира (старогрчки: Έφυρα) или Ефора (Έφορα, што значи „караула“), бидејќи можело да се набљудува морето од највисоката точка на долги растојанија.

Населување во праисторијата може да се претпостави поради остатоци од ѕидови и врвови од стрели направени од обсидијан пронајдени на островот. Пронајдени се и остатоци од цистерна најверојатно од римско или ранохристијанско потекло.

Надворешни врски

• Службена мрежна страница на Oпштина Милос (на грчки и англиски)