Алтрој
Алтрој (германски: Altreu) ― село во Општина Селцах во Округ Леберн во кантонот Золотурн, Швајцарија.
| Алтрој | |
|---|---|
 Алтрој, со Хазенмат во позадина | |
| Држава | Швајцарија |
| Кантон | Золотурн |
| Област | Леберн |
| Надм. вис. | 429 м |
| Поштенски код | 2545 |
| Мреж. место | website missing |
Географија
уреди
Алтрој лежи на 429 м надморска височина, 7 км запад-југозапад од главниот град на кантонот Золотурн. Селото стои покрај северниот брег на Аре и на местото на средбата на двата потоци Хагбах и Селцахербах, непосредно пред да се влеат во Ааре.[1] Селото се наоѓа на речиси три километарската низина кај Аре, западно од золотурнскиот дел од швајцарското плато.
Рекреација
уредиАлтрој е место за планинари и велосипедисти долж меандрираниот тек на Аре.[2] Алтреу е меѓународно познат по својата колонија на бели штркови, која била основана од конзерваторот Макс Блеш во 1948 година;[3] Резерватот „Вити“ од 15 км2 служи како ловиште и место за одмор за штрковите во мочуришните предели на Аре.[4] Во 2008 година, Алтрој бил препознаен како Европско село на штркот од фондацијата Еуронатур (EuroNatur).[4]
Превоз
уредиСелото е подалеку од главните сообраќајници, но е лесно да се стигне од блискиот Селцах. Алтрој е поврзан со автобуска линија до железничката станица во Гренхен.[5] Железничката станица „Селцах“ на линијата Золотурн- Бил е приближно 1 км од средиштето на селото. Фериботот Лојциген -Алтрој превезува патници преку Аре,[6] а Алтрој е исто така станица за патничкиот брод меѓу Бил и Золотурн.[7]
Историја
уредиВо областа кај Алтрој некогаш стоела римска тврдина, заедно со мост што ги поврзувал римските патишта северно од Аре со главниот пат на југ помеѓу Авентикум и Салодурум (Золотурн).[8]
Првото забележано спомнување на градот се појавило во 1280 година како Алтруа (Altrua); од 1330 година името се појавува како Алтриве (Altrüwe).[9] Околу 1260 година, благородничкото семејство Нојенбург-Штрасберг го основало средновековното гратче Алтрој, кој бил зајакнат со ѕидови, ровови и замок; Во тоа време бил изграден и дрвен мост над Аре.[9] Регионот северно од Аре кој се одвоил од штрасбершкиот хершафт во 1309 година бил именуван по Алтрој; оваа област ги опфаќала териториите на денешните општини Селцах и Бетлах, како и западниот дел на Ломисвил.[8] Во 1340 година Алтрој бил купен од семејството Нојенбург-Нидау.[9]
Напаѓачката гуглерска платеничка војска го уништила гратчето и мостот во 1375 година, а градот потоа не бил обновен бидејќи ерозијата и промените во текот на Аре се повеќе му се заканувале на гратчето.[8] Золотурнскиот бургер Рудолф Зефрид фон Ерлах ја купил областа во 1377 година и ја дал на градот Золотурн во 1389 година, каде што бил споен во областа Леберн.[9]
На местото на поранешното гратче пораснало поселок кое, иако дел од Општина Селцах, поседувало одреден степен на автономија до 1831 година со свој аман (бајлиф), заедничка земја и вајбел (вид на швајцарски службеник со различни административни и церемонијални должности).[9]
Галерија
уреди-
Штркови во Алтрој -
Капела Маријахилф (изградена 1819 година, реновирана 1973 година) -
Сиеста на пристаништето во Алтрој -
Ресторанот „Зелен мајмун“ (Restorant zum grünen Affen -
Етерсхоф -
Штркови кои се гнездат на штала
Наводи
уреди- ↑ „Swiss Geoportal“. geo.admin.ch. Посетено на 30 ноември 2023.
- ↑ freizeit.ch, Die Redaktion von (22 јуни 2011). „Storchenkolonie - Altreu - Solothurn - Selzach - Aktivitäten“. freizeit.ch (германски). Посетено на 30 ноември 2023.
- ↑ Salzmann, Christian; Schenk, Bea (21 април 2014), Max Blösch und die Storchensiedlung in Altreu (германски), Schweizer Radio und Fernsehen SRF, Посетено на 30 ноември 2023
- ↑ 4,0 4,1 „EuroNatur: Altreu“. www.euronatur.org. Посетено на 30 ноември 2023.
- ↑ „Linienplan“ (PDF). Busbetrieb Grenchen und Umgebung AG. Посетено на 30 ноември 2023.
- ↑ „Home - aarefaehre - Altreu“. Aare-Fähre (германски). Посетено на 30 ноември 2023.
- ↑ „Aare Fahrplan“. Bielersee Schifffahrtsgesellschaft. Архивирано од изворникот на 2018-02-04. Посетено на 30 ноември 2023.
- ↑ 8,0 8,1 8,2 Zürcher, Christine (2006). Kultur_pfad Selzach (германски). Selzach: Einwohnergemeinde Selzach.
- ↑ 9,0 9,1 9,2 9,3 9,4 Hans Sigrist: „Altreu“ на германски, француски и италијански во „Историски речник на Швајцарија“.