Џецун Пема
Џецун Пема Вангчук (ѕонгка: རྗེ་བཙུན་པདྨ་; р. 4 јуни 1990) е кралица (Друк Ѓал-цин, буквално „Змејска Кралица“) на Бутан. Таа е сопруга на Кралот Џигме Кесар Намѓел Вангчук, кој е крунисан на 6 ноември 2008 година.
| Џецун Пема Вангчук | |||||
|---|---|---|---|---|---|
 Кралицата Џецун во 2011 | |||||
| Кралица на Бутан | |||||
| Крунисување | 13 октомври 2011 | ||||
| Роден(а) | 4 јуни 1990 Тимпу, Бутан | ||||
| Сопружник | Џигме Кесар Намѓел Вангчук | ||||
| |||||
| Династија | Династија Вангчук | ||||
| Татко | Дондуп Ѓалтшен | ||||
| Мајка | Сонам Чунки | ||||
| Вероисповед | вајрајански будизам | ||||
Кралицата Џецун Пема Вангчук, како што гласи нејзината официјална титула, е родена на 4 јуни 1990 година, како ќерка на кумашинката на Кралот на Бутан. Таа е втора по возраст меѓу петте деца на нејзините родители, меѓу кои има двајца браќа и две сетри.[1][2] Студирала меѓународни односи, со психологија и историја на уметност на колеџот Риџентс во Лондон, Велика Британија.[3][4]
Како нејзини хобија и интереси се појавуваат убавите уметности, сликањето и кошарката, која ја засакала уште за време на основното обрзование кога била капитен на училишниот тим. Освен јазикот ѕонгка, официјалниот општонароден јазик во Бутан, Џецун течно ги говори и англискиот и хинду јазикот.
Нејзината свадба со кралот беше најавена лично од него за време на отворањето на VII седница на Бутанскиот парламент во мај 2011 година, а се случи на 13 октомври 2011 година во главниот храм Пунака Ѕонг. Свадбената церемонија продолжи со посета на разни региони на кралството. За време на оваа церемонија кралот Џигме Кезар од светиот Махен ја доби круната на Змејската Кралица, за потоа со неа да ја круниса Џецун Пема, правејќи ја и официјално Кралица на Бутан.
Наводи
уреди- ↑ „Bhutan's King Is Set to Marry – Royal Wedding“. Empowered News. Посетено на 27 мај 2011.[мртва врска]
- ↑ „Himachal-educated girl to marry Bhutan king“. msn News. Архивирано од изворникот на 2012-06-15. Посетено на 27 мај 2011.
- ↑ „Lawrence School, Sanawar in celebration mode“. The Times of India. 13 октомври 2011. Посетено на 13 октомври 2011.
- ↑ „Bhutan king to wed Sanawar girl“. Times of India. 22 мај 2011. Архивирано од изворникот на 2011-12-23. Посетено на 27 мај 2011.