ЏФК (филм)

„Џ.Ф.К.“ (англиски: JFK) – американски филм од 1991 година, во режија на Оливер Стоун. Главните улоги ги толкуваат: Кевин Костнер, Гери Олдман, Сиси Спејсек, Џек Лемон, Џо Пеши, Томи Ли Џонс и Доналд Сатерленд.

Синопсис

На 22 ноември 1963 година, за време на посетата на Далас, е убиен американскиот претседател Џон Кенеди. Јавниот обвиител Џим Гарисон е скептичен во однос на резултатите од истрагата и започнува процес. Набргу по атентатот е уапсен Ли Харви Освалд, кој е осомничен како извршител на атентатот, но него го убива Џек Руби и со тоа само се засилуваат сомнежите во врска со вистинските убијци на претседателот. Во филмот се прикажуваат односите на главните лица замешани во атентатот со американската војска, со разузнавачките служби, со кубанската емиграција и со мафијата.