„Rapsodija“ (македонски: Рапсодија) или исто така позната како „Hrvatska rapsodija“ (македонски: Хрватска рапсодија) е песна од хрватскиот поп бенд Магазин. Издадена е во 2000 година, а се нашла на четиринаесеттиот студиски албум на бендот, односно на третиот студиски албум на бендот со Јелена Розга како главна пејачка, насловен Minus i plua (Минус и плус). Како и најголемиот број песни на албумот, „Rapsodija“ е напишана од страна на хрватскиот музичар и композитор Тончи Хуљиќ и поетесата и текстописец Вјекослава Хуљиќ. За да ја промовира песната, бендот има снимено и музичко видео. Покрај текстот кој е напишан на хрватски, песната исто така содржи еден стих на англиски којшто гласи „I will love you 'till the end of time“ (Ќе те сакам до крајот на времето).
