„Jel' zbog nje“ (македонски: Дали е поради неа) е песна од хрватскиот поп бенд Магазин. Издадена е во 2000 година, а се нашла на четиринаесеттиот студиски албум на бендот, односно на третиот студиски албум на бендот со Јелена Розга како главна пејачка, насловен Minus i plua (Минус и плус). Како и најголемиот број песни на албумот, „Jel' zbog nje“ е напишана од страна на хрватскиот музичар и композитор Тончи Хуљиќ и поетесата и текстописец Вјекослава Хуљиќ. За да ја промовира песната, бендот има снимено и музичко видео. Песната е изведувана во живо за време на концертните турнеи на бендот, а потоа и за време на повеќето настапи во живо на соло кариерата на Розга.
