Штерјо Апостолина
Штерјо Милиор Апостолина (влашки: Steriu Milior Apostolina) — македонски револуционер со влашко потекло, учесник во македонското револуционерно движење, член и војвода на Македонската револуционерна организација.
| Штерјо Апостолина | ||
| ||
| Роден | Периволи, Гребенско, Егејска Македонија | |
|---|---|---|
Животопис уреди
Апостолина е роден во гребенското село Периволи. Тој го организирал влашкиот комитет за вооружена борба во Македонија заедно со Александар Кошка во градот Букурешт.[1] Во април 1907 година влегува во Македонија по каналите на ВМОРО со комитите Наки Апостолина (негов син), Мика Фуска и Стерјо Ниби од Периволи и Симо Кража од Самарина. Според Василе Диаманди - Аминчјанул кон нив се придружуваат и други Власи од Пинд, тоа се капетан Михали Тегујани, Леон Константинеску, Нули Шаманику, Георге Шаманику и Апостолаке од Периволи, Нику Баламоти од Војуша, како и Кота, Георге Буташи, Василе Буташи, Зику Цаца, Георге Цаца, Скупреи и други од Фрашер. Четата е активна во Костурско, Гребенско и Пинд, каде се бори против чети на грчката вооружена пропаганда во Македонија.[2]