Чамлиџа-џамија

Чамлиџа-џамија (турски: Çamlıca Camii) — џамија во округот Усќудар на градот Истанбул и најголемиот муслимански храм во Турција. Има сместивост од 63.000 луѓе и во себе вклучува музеј, ликовна галерија, библиотека, сала за собири и подземно паркиралиште за 3.500 возила.

Чамлиџа џамија
Çamlıca Camii
Основни податоци
Место	Усќудар, Истанбул, Турција
Припадност	сунизам
Архитектонски опис
Архитектонски тип	џамија
Архитектонски стил	доцнокласичен османлиски
Завршен	2019
Особености
Сместивост	63.000
Куполи	70
Висина на куполата (надв.)	72 м
Минариња	6
Висина на минарето	107,1 м

Џамијата е дело на архитектките, Бахар Мизрак и Хајрије Ѓул Тоту, а нејзината изградба чинела 150 милиони лири (59,65 милиони евра). Секое од четирите минариња е високо 107,1 м, во спомен на Битката кај Манцикерт која се одиграла во 1071 г. помеѓу Селџучкото и Византиското Царство.

Ова е еден од повеќе мегапроекти на турската влада како сведоштво за силата на стопанството и белег на владејачката Партија на правдата и развојот и претседателот Реџеп Таип Ердоган.

Џамијата е свечено отворена на 4 мај 2019 г. од претседателот Ердоган. На отворањето присуствувале повеќе странски државници како Маки Сал од Сенегал, Алфа Конде од Гвинеја, Илир Мета од Албанија, Мухамед Штаје од Палестина и претставници на други земји.

Галерија

• 
  Предворие и главен влез
• 
  Западна страна
• 
  Панорама
• 
  Витраж
• 
  Витраж
• 
  Глетка насликана на плочки
• 
  Џамискиот двор
• 
  Украс над сводовите

Поврзано

• Османлиска архитектура
• Список на џамии во Истанбул
• Султан Ахмедова џамија
• Аја Софија

Надворешни врски

• Чамлиџа-џамија на Ризницата ^?
• Портал на џамијата „Чамилџа“ Архивирано на 24 јуни 2016 г. (турски)