Црква „Успение на Пресвета Богородица“ - Патарос
Успение на Пресвета Богородица (грчки: Κοιμήσεως της Θεοτόκου) — црква во селото Патарос, Дојранско, Егејска Македонија. Влегува во состав на Полјанско-кукушката епархија на Цариградската патријаршија.[1][2]
| Успение на Пресвета Богородица | |
|---|---|
| Κοιμήσεως της Θεοτόκου | |
 | |
| 41°9′56.4″N 22°47′58.6″E / 41.165667° СГШ; 22.799611° ИГД | |
| Место | Патарос, Дојранско |
| Земја | Егејска Македонија, Грција |
| Вероисповед | Цариградска патријаршија |
| Архитектура | |
| Архит. тип | трикорабна базилика |
| Завршена | 1857 |
| Управа | |
| Архијерејско намесништво | Полјанско |
| Епархија | Полјанско-кукушка |
Црквата е изградена во 1857 г., што стои на надвлезниот натпис од север. Претставува трикорабна базилика — најпопуларниот вид црква во последните години на османлиското владеење. На исток има полукружна апсида со сопствен покрив. Покривот на самата црква е двоводен со триаголни засеци на источната и западната страна. Ѕидовите се од камен, а аглите се зајакнати со правоаголни делкани камења. Внатре трите кораба се поделени со колонада од четириаголни дрвени столбови. На западната страна имало галерија за женска црква.[1]
Храмот работел до 1875 г., кога е затворен и до него е подигната нова црква. Старата е реставрирана во 1999 г. и во неа е отворена уметничка галерија во која се изложени копии на византиски и поствизантиски дела, како и на современи грчки уметници.[1]
Поврзано уреди
Наводи уреди
- ↑ 1,0 1,1 1,2 Χατζούλη, Γλυκερία Μ. „Ιερός Ναός Παναγίας (Κοιμήσεως της Θεοτόκου) Δροσάτου (Ποταρού)“. Promo.cross. Архивирано од изворникот на 2018-03-15. Посетено на 22 јуни 2014.
- ↑ „Δροσάτο, Ι.Ν. Κοιμήσεως της Θεοτόκου“. Enjoy Kilkis. Архивирано од изворникот на 2022-06-14. Посетено на 14 март 2018.