Црква „Св. Никола“ - Скилич
Свети Никола (грчки: Αγίου Νικολάου) — црква во селото Скилич, Берско, Егејска Македонија. Влегува во состав на Берско-негушко-камбаниската епархија на Цариградската патријаршија.
| Свети Никола | |
|---|---|
| Αγίου Νικολάου | |
 Поглед на црквата | |
 | |
| 40°36′39.4″N 22°19′45.8″E / 40.610944° СГШ; 22.329389° ИГД | |
| Место | Скилич, Берско |
| Земја | Егејска Македонија, Грција |
| Вероисповед | Цариградска патријаршија |
| Архитектура | |
| Архит. тип | еднокорабна базилика |
| Управа | |
| Архијерејско намесништво | Кавасилско |
| Епархија | Берско-негушко-камбаниска |
Местоположба
уредиЦрквата е гробишен храм сместен во северниот дел на селото.
Историја
уреди„Св. Никола“ е старата црква на селото, а „Св. Константин и Елена“ е новата. Во храмот има вградени антички и средновековни сполии — римски и византиски релјефи и натпис, употребени како градежен или украсен материјал. Црквата претставува еднокорабна базилика со димензии од 18 × 7 м и двоводен покрив. На 19 мај по улиците на селото се одржува поворка со иконата на Свети Никола.
Римски натпис
уреди
Римскиот натпис на старогрчки е запишан во 1919 г. и со грешки објавен во „Национален водич“ за 1920 - 1921 г. Во мај 1953 г. берскиот старинар Панајотис Ксилапетридис го видел натписот на истото место и го препишал исправно. Се работи з стела од бел мермер, подоцна обоена, со фронтон одгоре и релјеф каде се претставени жени од типот на Афродита, а пред и меѓу нив има помала седната женска фигура, која веројатно држи рипида и е свртена налево.[1] Видливите димензии на натписот се 1,10 × 0,49 м. Висината на писмото е 0,029 м, а растојанието изнесува 0,02 м.
Овој натпис е заклетвен, со кој Торпилиј Лик го споменува добриот карактер и доблестите на неговата сопруга Елија Евтихиди и така оддава сопружничко признание и љубов.[2] Торпилиј е поврзан со римско семејство Торпилии кое уживало влијание во источните провинции.[3]
Поврзано
уредиНаводи
уреди- ↑ Μοσχόπουλος, Γιάννης (1985). „Ρουμλούκι. Ιστορία και τοπογραφία“. Θεσσαλονίκη: University Studio Press. стр. 94, 95. Отсутно или празно
|url=(help) - ↑ Tataki, Argyro (1988). Ancient Beroea Prosopography and Society. Αθήνα: Μελετήματα. стр. 285.
- ↑ Σαμσάρης, Δημήτρης. Ατομικές χορηγήσεις της Ρωμαϊκής Πολιτείας (civitas romana) και η διάδοση της στη Ρωμαϊκή επαρχία Μακεδονία: ΙΙ. η περίπτωση της Βέροιας, έδρα του Κοινού των Μακεδόνων. стр. 332.
Надворешни врски
уреди
Црква „Св. Никола“ - Скилич на Ризницата ?
