Црква „Св. Недела“ - Ранченци

Света Недела — манастирска црква на Ранченскиот манастир.

Света Недела
Поглед на црквата
македонска православна црква
Епархија	Брегалничка
Архијерејско намесништво	Штипско
Парохија	Прва светиниколска
Местоположба
Координати	41°56′07.4″N 22°02′34″E
Место	Ранченци
Општина	Свети Николе
Држава	Македонија
Општи податоци
Покровител	Света Недела
Завршено	1930
Архитектонски опис

Историја

Црквата е изградена заедно со манастирот во 1930 година. Иконите биле изработени во текот на XX век, но нивниот автор не е познат.

Архитектура

Градбата има правоаголна основа со полукружна апсида на источната страна. Кон северната страна е доградена затворена припрата, а кон западната и јужната страна таа е отворена. Главниот влез се наоѓа на западната страна, а црквата има и спореден влез на јужната страна. Храмот има две камбанарии. Првата е вградена и се издига над главниот влез, така што делот над кровот е куполест со осумаголна основа и на секоја страна има по една монофора. Втората камбанарија е издвоена и се наоѓа непосредно од левата страна пред влезот на црквата, односно е доградена до затворената припрата на северната страна. Таа има квадратна основа и се состои од два дела, од кои долниот е затворен, а горниот е ограден и отворен од сите четири страни. Објектот и камбанариите се обоени во бела боја, со исклучок на затворената припрата којашто однадвор не е варосана, и се покриени со кров од ќерамиди.

Галерија

• 
  Западната страна
• 
  Припратата на северната страна
• 
  Припратата на западната страна
• 
  Припратата на јужната страна
• 
  Главниот влез
• 
  Споредниот влез
• 
  Апсидата
• 
  Вградената камбанарија
• 
  Издвоената камбанарија

Поврзано

• Ранченски манастир
• Црква „Св. Ѓорѓи“ - Ранченци
• Ранченци
• Брегалничка епархија
• Штипско архијерејско намесништво
• Прва светиниколска парохија

Надворешни врски

• Црква „Св. Недела“ - Ранченци на Ризницата ^?