Црква „Св. Кузман и Дамјан“ - Плетвар

Свети Кузман и Дамјан — главна и единствена црква во селото Плетвар.^[1] Сместена е во крајниот североисточен дел од селото, на височина која доминира во однос на остатокот од селото.

Местоположба
Свети Кузман и Дамјан

Поглед на црквата
македонска православна црква
Епархија	Преспанско-пелагониска
Архијерејско намесништво	Прилепско
Парохија	Плетварско-беловодичка

Координати	41°22′13.2″N 21°39′12.0″E / 41.370333° СГШ; 21.653333° ИГД / 41.370333; 21.653333
Место	Плетвар
Општина	Прилеп
Држава	Македонија
Општи податоци
Покровител	Свети Кузман и Дамјан
Завршено	1862
Архитектонски опис

Историја

Црквата била изградена во 1862 година и била осветена од страна на Преспанско-пелагонискиот митрополит Бенедикт. Внатрешноста на храмот била живописана во 1865 година.^[2]

Архитектура

Градбата на црквата има правоаголна основа и претставува полукружно засводен трикорабен храм со полукружна апсида на источната страна. Во западниот дел од црквата има галерија подината на кат и затворен трем.^[2]

Дворот на црквата е ограден со камена ограда и во него се сместени камбанаријата и селските гробишта. Камбанаријата се издига над самата ограда и на нејзината предна страна се наоѓа влезната порта која од дворот на црквата. Таа има квадратна основа во долниот дел кој е повисок, а над него има помал осумаголен дел во кој е сместено ѕвоното. На секоја од четирите страни во долниот дел има по една монофора, додека осумте страни на вториот дел се отворени. Камбанаријата во целост е обоена во бела боја.

Галерија

Галеријата на црквата
Галеријата со камбанаријата
Камбанаријата со влезната порта
Ѕвоното на камбанаријата
Плоча со натпис на српски јазик
Селските гробишта

Поврзано

Наводи

↑ Јелена Павловска, Наташа Ниќифоровиќ и Огнен Коцевски (2011). Валентина Божиновска (уред.). Карта на верски објекти во Македонија. Менора - Скопје: Комисија за односи во верските заедници и религиозните групи. стр. 20. ISBN 978-608-65143-2-7.
↑ ^2,0 ^2,1 „Црква „Св. Кузман и Дамјан“, село Плетвар“. OldPrilep. 14 април 2012.

Надворешни врски

Црква „Св. Кузман и Дамјан“ - Плетвар на Ризницата ^?

[1] Јелена Павловска, Наташа Ниќифоровиќ и Огнен Коцевски (2011). Валентина Божиновска (уред.). Карта на верски објекти во Македонија. Менора - Скопје: Комисија за односи во верските заедници и религиозните групи. стр. 20. ISBN 978-608-65143-2-7.

[oldprilep-2] 2,0 ^2,1 „Црква „Св. Кузман и Дамјан“, село Плетвар“. OldPrilep. 14 април 2012.

[1]

[2]