Црква „Св. Кирил и Методиј“ - Гевгелија

Свети Кирил и Методиј — македонска православна црква во градот Гевгелија.^[1] Црквата се наоѓа во средишниот дел на Гевгелија, сместена на јужната страна на градското шеталиште.^[2]

Местоположба
Свети Кирил и Методиј

Поглед кон црквата
македонска православна црква
Епархија	Повардарска
Архијерејско намесништво	Гевгелиско
Парохија	Втора гевгелиска

Координати	41°8′20″N 22°30′15″E / 41.13889° СГШ; 22.50417° ИГД / 41.13889; 22.50417
Место	Гевгелија
Општина	Гевгелија
Држава	Македонија
Општи податоци
Покровител	Свети Кирил и Методиј
Завршено	1896
Зограф	Димитриј Андонов - Папрадишки
Архитектонски опис
Архит. тип	трикорабна

Во црквата се наоѓаат девет икони од познатиот македонски зограф Димитар Андонов - Папрадишки.^[3] Воедно, црквата се одликува со голем и убав иконостас.

Црквата е најмногу посетена за време на најголемиот христијански празник Велигден.^[2]

Историја

Подигната е во 1896 година, што може да се види од натписот на плочата на источниот ѕид, вѕидан над олтарната апсида од надвор. Таа е изградена на местото каде што во 1881 година бил изграден параклис. Храмот е обновен во 1946 година.

Во 1983 година е подигната нова камбанарија со градски часовник.

Градба

Според својата архитектурна форма, таа е трикорабна градба, со рамни дрвени тавани и со покривна конструкција на две води. Црквата има голем и убав иконостас, чии икони ги работел зографот Димитриј Андонов - Папрадишки. Дверите на црквата се од постаро време и се смета дека се пренесени од старата црква Света Троица или од манастирската црква „Св. Спас” во Гевгелија, и се дело на непознат резбар (од XVIII век). Градител на црквата е Андон Китанов.

Галерија

Задниот дел на црквата
Целосен поглед на црквата
Црквата со нејзината камбанарија
Стара историска фотографија од црквата

Поврзано

Наводи

↑ Јелена Павловска, Наташа Ниќифоровиќ и Огнен Коцевски (2011). Валентина Божиновска (уред.). Карта на верски објекти во Македонија. Менора - Скопје: Комисија за односи во верските заедници и религиозните групи. ISBN 978-608-65143-2-7.
↑ ^2,0 ^2,1 „Градот Гевгелија“. Гевгелија Туризам. Гевгелија. Архивирано од изворникот на 2016-07-13. Посетено на 24 мај 2016.
↑ „ИКОНИ ОД ПАПРАДИШКИ ВО ГЕВГЕЛИСКАТА ЦРКВА „СВ.КИРИЛ И МЕТОДИЈ"“. Општина Гевгелија. Гевгелија. Посетено на 24 мај 2016.^{[мртва врска]}

Надворешни врски

Црква „Св. Кирил и Методиј“ - Гевгелија на Ризницата ^?

[1] Јелена Павловска, Наташа Ниќифоровиќ и Огнен Коцевски (2011). Валентина Божиновска (уред.). Карта на верски објекти во Македонија. Менора - Скопје: Комисија за односи во верските заедници и религиозните групи. ISBN 978-608-65143-2-7.

[туризам-2] 2,0 ^2,1 „Градот Гевгелија“. Гевгелија Туризам. Гевгелија. Архивирано од изворникот на 2016-07-13. Посетено на 24 мај 2016.

[општина-3] „ИКОНИ ОД ПАПРАДИШКИ ВО ГЕВГЕЛИСКАТА ЦРКВА „СВ.КИРИЛ И МЕТОДИЈ"“. Општина Гевгелија. Гевгелија. Посетено на 24 мај 2016.^{[мртва врска]}

[1]

[2]

[3]