Црква „Св. Илија“ - Долгаец

Свети Илија – главна и единствена селска црква во селото Долгаец.^[1] Сместена е во крајниот северозападен дел од селото, непосредно од десната страна на патот кој продолжува до соседното село Маргари.

Местоположба
Свети Илија

Поглед на црквата
македонска православна црква
Епархија	Преспанско-пелагониска
Архијерејско намесништво	Прилепско
Парохија	Долненско-секиречка

Координати	41°32′14.2″N 21°22′21.5″E / 41.537278° СГШ; 21.372639° ИГД / 41.537278; 21.372639
Место	Долгаец
Општина	Долнени
Држава	Македонија
Општи податоци
Покровител	Свети Илија
Завршено	1451
Живопис	1454/1455
Архитектонски опис

Историја

Црквата била изградена во 1451 година, а била живописана во 1454/1455 година. Објектот претставува прв целосно изграден христијански храм во прилепско-битолскиот крај од периодот под отоманска власт. Во 1999 година биле спроведени мерки за заштита на живописот.^[2]

Архитектура

Градбата на црквата има правоаголна основа со мала многуаголна апсида на источната страна. Кон западната страна е дограден помошен објект во којшто е сместена трпезаријата и до кој води влезна врата сместена на источната страна, додека влезот на црквата се наоѓа на западната страна. Над влезот од црквата има ниша со фреска на Свети Никола. Ниша со фреска на Богородица со Исус во лоша состојба има и на јужниот ѕид од храмот. Објектот е изграден од камен и е покриен со кров од ќерамиди. Внатрешноста на црквата е живописана, но фрескописот е со слаб уметнички квалитет.^[2]

Дворот на црквата е ограден со метална ограда. Во него се сместени камбанаријата, помошен објект и селските гробишта. Камбанаријата се издига од десната страна непосредно по влезната порта од дворот на црквата. Таа има квадратна основа и на секоја страна во горниот дел има по една монофора. Изградена е од бетонски тули и во целост е обоена во бела боја.

Галерија

Надворешност

Влезната врата на црквата
Апсидата
Нишата на јужниот ѕид

Внатрешност

Иконостасот
Фреска со натпис

Објекти во дворот

Влезната порта од дворот на црквата
Камбанаријата
Трпезаријата
Помошен објект
Селските гробишта

Поврзано

Наводи

↑ Јелена Павловска, Наташа Ниќифоровиќ и Огнен Коцевски (2011). Валентина Божиновска (уред.). Карта на верски објекти во Македонија. Менора - Скопје: Комисија за односи во верските заедници и религиозните групи. стр. 18. ISBN 978-608-65143-2-7.
↑ ^2,0 ^2,1 „Долгаец“. OldPrilep. 15 ноември 2013.

Надворешни врски

Црква „Св. Илија“ - Долгаец на Ризницата ^?
Фрески во црквата „Св. Илија“ - Долгаец на Ризницата ^?

[1] Јелена Павловска, Наташа Ниќифоровиќ и Огнен Коцевски (2011). Валентина Божиновска (уред.). Карта на верски објекти во Македонија. Менора - Скопје: Комисија за односи во верските заедници и религиозните групи. стр. 18. ISBN 978-608-65143-2-7.

[oldprilep-2] 2,0 ^2,1 „Долгаец“. OldPrilep. 15 ноември 2013.

[1]

[2]