Црква „Св. Илија“ - Бунеш

Свети Илија — главна селска црква во селото Бунеш. Црквата се наоѓа на влезот од селото, на левата страна од патот.

Свети Илија
Поглед на црквата „Св. Илија“ во селото Бунеш
македонска православна црква
Епархија	Брегалничка
Архијерејско намесништво	Штипско
Парохија	Злетовска
Местоположба
Координати	41°57′12.4″N 22°14′06.4″E
Место	Бунеш
Општина	Пробиштип
Држава	Македонија
Општи податоци
Покровител	Свети Илија
Завршено	околу 1885
Архитектонски опис

Историја

Според натписот над влезната порта, може да се заклучи дека црквата била изградена некаде околу 1885 година.

Архитектура

Градбата на црквата има правоаголна основа, со полукружна апсида во задниот дел. Изградена е од камен и тули, а целата градба е покриена со кров од ќерамиди. Над дрвената влезна врата има стар натпис на камен во кој се споменува името на ктиторот и годината на изградба. Од левата страна на црквата е прилепена пониска градба, во којашто е сместена трпезаријата. Дворот на црквата е ограден со камена ограда, при што од аголот веднаш од десната страна на влезната порта се издига камбанаријата. Нејзината основа е квадратна, од страните е отворена, додека од предната и задната страна е оградена со каемената ограда на црквата односно камен бедем изграден во дворот на црквата. Камбанаријата е покриена со пирамидален кров од ќерамиди.

Галерија

• 
  Влезната врата на црквата
• 
  Натпис над влезната врата
• 
  Камбанаријата на црквата

Поврзано

• Штипско архијерејско намесништво
• Злетовска парохија
• Бунеш

Надворешни врски

• Црква „Св. Илија“ - Бунеш на Ризницата ^?
• Информации за црквата Архивирано на 28 август 2016 г. — страница на Брегалничката епархија