Црква „Св. Димитриј“ - Броштица

Свети Димитриј — главна селска црква во дебарското село Броштица, Македонија.^[1]

Местоположба
Свети Димитриј

Поглед на црквата
македонска православна црква
Епархија	Дебарско-кичевска
Архијерејско намесништво	Дебарско
Парохија	Дебарско-реканска

Координати	41°29′14″N 20°35′29″E / 41.48722°N 20.59139°E / 41.48722; 20.59139
Место	Броштица
Општина	Центар Жупа
Држава	Македонија
Општи податоци
Покровител	Свети Димитриј
Изградба	1868
Архитектонски опис

Црквата е руинирана, при што е целосно срушена припратата, додека самата црква е зачувана откако биле поставени столбови во 2007 година.^[2]

Местоположба

Црквата се наоѓа сосема надвор од селото Броштица, сместена во длабока шума. До црквата може да се стигне единствено пеш следејќи козји патеки во времетраење околу половина час одење од последните куќи на селото Броштица.

Историја

Таа е единствената преостаната црква од трите во селото, кои се срушиле поради ерозија на земјиштето. Поради фактот дека православното население од Броштица е иселено, за црквата се грижи локалното муслиманско население.^[3]

Црквата е изградена во 1868 година, како што е испишано и на самата црква при нејзиниот влез. Била реновирана во 2007 година.

Кражби

На почетокот на мај 2013 година, црквата била осквернавена од трагачи на закопано богатство. Тогаш било копано кај престолот и на уште неколку места во црквата, а ископан бил и еден гроб.^[4]