Црква „Св. Димитриј“ - Битуша

црква во Битуша, Леринско

Свети Димитриј (грчки: Ιερός Ναός Αγίου Δημητρίου) — црква во селото Битуша, Леринско, Егејска Македонија. Влегува во состав на Леринско-преспанско-еордејската епархија на Цариградската патријаршија.

Свети Димитриј
Αγίου Δημητρίου
Карта
40°51′32.7″N 21°22′1.4″E / 40.859083° СГШ; 21.367056° ИГД / 40.859083; 21.367056Координати: 40°51′32.7″N 21°22′1.4″E / 40.859083° СГШ; 21.367056° ИГД / 40.859083; 21.367056
МестоБитуша, Леринско
ЗемјаЕгејска Македонија, Грција
ВероисповедЦариградска патријаршија
Архитектура
Архит. типтрикорабна базилика
Изградба1837
Управа
Архијерејско намесништвоЛеринско
ЕпархијаЛеринско-преспанско-еордејска

Црквата е гробишен храм, сместен во југозападниот дел на селото. Претставува трикорабна базилика со дрвен покрив, трем на север и камбанарија. Според зачуваниот ктиторски натпис, изградена е во 1837, а живописана во 1844 г. од Јован Михаил и Михаил од епирското село Кионат со средства на Аврам и Божин.[1]

Во храмот е зачувана вредна икона на Исус Христос Седржител од 1621/22 г. која според Викторија Поповска-Коробар е дело на првиот зограф од Сливничкиот манастир (1606/07) бидејќи ракописот на словенскиот текст на евангелието што го држи Христос е истиот како на ктиторскиот натпис во Сливница. Според неа, можеби станува збор за Илија Зограф, чие дело се фреските во „Св. Теодор Тирон и Теодор Стратилат“ во пиринското село Недобарско и оние во „Св. Архангели Позерски“ во Костур. Иконата во Битуша е подарена од извесен поп Михаил.[2]

Поврзано уреди

Наводи уреди

  1. Μουτσόπουλος, Νικόλαος Κ (2003). Εκκλησίες του νομού Φλώρινας. Θεσσαλονίκη: Μαλλιάρης. стр. 238. ISBN 960-239-627-Χ Проверете ја вредноста |isbn=: invalid character (help).
  2. Поповска-Коробар, Викторија (2015). „Ѕидното сликарство во црквата на Слимничкиот манастир“ (PDF). Патримониум.мк. 8 (13): 240.