Црква „Св. Димитрија“ - Тушин

црква во Тушин, Мегленско, Егејска Македонија

Свети Димитрија (грчки: Ναός Αγίου Δημητρίου) — црква во селото Тушин, Мегленско, Егејска Македонија. Влегува во состав на Воденско-постолско-мегленската епархија на Цариградската патријаршија.[1][2]

Свети Димитрија
Αγίου Νικολάου
Поглед на црквата
Карта
41°5′39.1″N 22°10′24.4″E / 41.094194° СГШ; 22.173444° ИГД / 41.094194; 22.173444Координати: 41°5′39.1″N 22°10′24.4″E / 41.094194° СГШ; 22.173444° ИГД / 41.094194; 22.173444
МестоТушин, Мегленско
ЗемјаЕгејска Македонија, Грција
ВероисповедЦариградска патријаршија
Архитектура
Архит. типтрикорабна базилика
Изградба1842
Управа
Архијерејско намесништвоС’ботско
ЕпархијаВоденско-постолско-мегленска

Опис уреди

Црквата е гробишен храм, подигнат во југозападниот крај на селото во 1842 г. како што може да се прочита од камениот натпис. Претставува трикорабна базилика со женска црква и затворен трем.[1][2] Има два влеза. На јужната страна има ниска врата. Покривот е калкански, покриен со плочи.[1] Камбанаријата е четирикатна самостојна градба во северниот дел на црковниот двор.[1][2]

Женската црква има дрвен парапет и дрвена решетка. Таванот исто така е дрвен, а иконостасот е има резбани царски двери и распетие.[1]

Внатрешноста е живописана во 1866 г. од крушевскиот мајстор Анастас Зограф и неговите синови Вангел, Никола и Коста. Зографскиот натпис гласи:

 
Ктиторскиот натпис
Αυτή η εκκλησία του Αγίου Δημητρίου ειστορήθη εις τον καιρόν του ιερατέβωντος πανιερώτατος μητροπολίτης κυρίω κυρίω Προκοπίου Μογλενών [следуваат имињата на свештеници и првенци] δια χειρός Αναστασίου με τα παιδιά μου Βαγγελή Νικολάου, Κωνσταντίνη εκ χωρίου Κρούσεβα 1866.[2]
Превод:

Оваа црква на Свети Димитрија се живописа во времето владикувањето на митрополитот господин господин Прокопиј (следуваат имињата на свештеници и првенци) од рацете на Анастасиј со децата ми Вангел, Никола, Константин од село Крушево 1866.

Фреските се поделени на две подрачја — во горното е циклусот на Страстите Христови, а во долното се претставите на низа светци. Во апсидата е Пресвета Богородица Поширока од небото.[1] Има извадоци од Стариот завет како настанокот на Адам и Ева, нивниот живот во рајот, огрешувањето и истерувањето; од Новиот завет застапено е Рождеството, Воскресението Христово и други мотиви.[2]

Галериja уреди

Поврзано уреди

Надворешни врски уреди

Наводи уреди

  1. 1,0 1,1 1,2 1,3 1,4 1,5 „Άγιος Δημήτριος στο Αετοχώρι“. Βάση Δεδομпокроителένων για την Ιστορική κληρονομιά της Αλμωπίας – Lhi-Lna. Архивирано од изворникот на 2018-07-10. Посетено на 21 април 2018. no-break space character во |publisher= во положба 65 (help)
  2. 2,0 2,1 2,2 2,3 2,4 „Αετοχώρι“. Δήμος Εξαπλατάνου. Посетено на 16 јуни 2014.