Црква „Св. Атанасиј“ - Црна Река
Свети Атанасиј (грчки: Αγίου Αθανασίου) — црква во селото Црна Река, Гуменџиско, Егејска Македонија. Влегува во состав на Гуменџиско-бојмичко-ругуновската епархија на Цариградската патријаршија.[1]
| Свети Атанасиј | |
|---|---|
| Αγίου Αθανασίου | |
 Икона на Свети Атанасиј во црквата | |
 | |
| 40°58′52″N 22°25′24″E / 40.98111° СГШ; 22.42333° ИГД | |
| Место | Црна Река, Гуменџиско |
| Земја | Егејска Македонија, Грција |
| Вероисповед | Цариградска патријаршија |
| Архитектура | |
| Културнонаследна категорија | споменик на културата |
| Архит. тип | трикорабна базилика |
| Завршена | XIX век |
| Управа | |
| Епархија | Гуменџиско-бојмичко-ругуновска |
Црквата е изградена во 1802 г.[2] или во средината на XIX век и има улога на гробишен и парохиски храм. Сместена е во јужниот дел на селото и претставува трикорабна базилика со внатрешни димензии од размери 8,2 × 15,7 м. На исток се издава само нишата на апсидата. Трите кораба на црквата се поделени со пет пара столбови, од кои последниот пар е ад иконостасот. Нартексот, кој првобитно постоел на запад, денес не е зачуван, а тремот со колонади на запад и југ не е дел од првичната градба. Иконостасот е дрвен и резбан. Резбани и насликани се и владичкиот престол и амвонот.[1] Во храмот има икони од зографот Димитар Вангелов од Петрово.[3]
По Младотурската револуција во 1909 г. жителите на селото ја испратиле следнава телеграма до Отоманскиот парламент:
| „ | Нашата селска црква и училиштето се предадени од властите на 40 куќи потчинети на Патријаршијата, а ние, кои броиме 80 куќи, немаме каде да ги вршиме верски обредии децата ни се лишени од секакво воспитание. Најусрдно ве молиме да благоволите и да донесете решение по ова прашање во најблагопријатна смисла.[4] | “ |
Во 1991 г. црквата е прогласена за споменик на културата.[1][5]
Поврзано
уредиНаводи
уреди- ↑ 1,0 1,1 1,2 „5. Ιερός ναός Αγίου Αθανασίου Κάρπης“. Ανάδειξη των Μεταβυζαντινών Μνημείων στην Μητροπολιτική Περιφέρεια Γουμενίσσης- Αξιουπόλεως - Πολυκάστρου μέ κέντρο τό Δήμο Ευρωπού. Посетено на 24 јуни 2014.[мртва врска]
- ↑ „Κάρπη - Ιερός Ναός Αγ.Αθανασιου“. Enjoy Kilkis. Архивирано од изворникот на 2022-05-15. Посетено на 14 март 2018.
- ↑ „Ταξιδεύοντας με τους ζωγράφους“ (PDF). Υπουργείο Πολιτισμού και Αθλητισμού. Εφορεία Αρχαιοτήτων Κιλκίς. Посетено на 23 јуни 2018.
- ↑ Македония. Сборник от документи и материали, Издателство на БАН, София, 1978, стр. 537 - 538.
- ↑ „ΥΑ ΥΠΠΟ/ΑΡΧ/Β1/Φ30/6463/127/11-3-1991 - ΦΕΚ 761/Β/20-9-1991“. Διαρκής κατάλογος κηρυγμένων αρχαιολογικών τόπων και μνημείων. Архивирано од изворникот на 2022-05-11. Посетено на 22 октомври 2014.
Надворешни врски
уреди
Црква „Св. Атанасиј“ - Црна Река на Ризницата ?
