Црква „Св. Атанасиј“ - Сенокос

Свети Атанасиј — главна и единствена селска црква во селото Сенокос.^[1] Сместена е во крајниот западен дел од селото.

Местоположба
Свети Атанасиј

Поглед на црквата
македонска православна црква
Епархија	Преспанско-пелагониска
Архијерејско намесништво	Прилепско
Парохија	Варошка

Координати	41°24′44.3″N 21°28′02.7″E / 41.412306° СГШ; 21.467417° ИГД / 41.412306; 21.467417
Место	Сенокос (Прилепско)
Општина	Долнени
Држава	Македонија
Општи податоци
Покровител	Атанасиј Александриски
Завршено	12 јули 1874
Архитектонски опис

Историја

Според натписот во нишата над влезот на северната страна, црквата била обновена на 12 јули 1874 година врз темелите на постара градба.^[2]

Архитектура

Градбата на црквата е еднокорабна и засводена, со правоаголна основа и полукружна апсида на источната страна украсена со седум слепи ниши.^[2] Кон западната страна е доградена припрата и помошен објект со правец на протегање север-југ. Храмот има влез на северната страна над кој има ниша со натпис од кој се дознаваат податоци за црквата. Од десната страна на нишата е закачена мермерна плоча со основни податоци. Во црквата се наоѓа истоименото археолошко наоѓалиште. Имено, кон надворешната страна на храмот е вѕидана надгробна плоча од мермер со грчки натпис. Во внатрешноста се чува мермерна плоча во облик на медалјон со релјефна претстава на три бисти, а во припратата има две стебла од столбови и дел од архитравна греда од мермер.^[3] Објектот е изграден од камен и е покриен со кров од ќерамиди.

Во дворот на црквата се сместени камбанаријата и селските гробишта. Камбанаријата се издига непосредно од левата страна на влезната порта од дворот на црквата. Таа е со квадратна основа и се состои од два дела. Долниот дел е изграден од камен и на јужната страна се наоѓа влезот на камбанаријата, а горниот дел е изграден од тули и на секоја негова страна има по една монофора.

Галерија

Влезната врата на црквата
Апсидата
Камбанаријата
Помошниот објект
Селските гробишта

Поврзано

Црква Св. Атанас — археолошко наоѓалиште
Сенокос
Преспанско-пелагониска епархија
Прилепско архијерејско намесништво
Варошка парохија

Наводи

↑ Јелена Павловска, Наташа Ниќифоровиќ и Огнен Коцевски (2011). Валентина Божиновска (уред.). Карта на верски објекти во Македонија. Менора - Скопје: Комисија за односи во верските заедници и религиозните групи. стр. 19. ISBN 978-608-65143-2-7.
↑ ^2,0 ^2,1 „Црква „Свети Атанасиј“, село Сенокос“. OldPrilep. 20 април 2012.
↑ Коцо, Димче (1996). Археолошка карта на Република Македонија. II. Скопје: Македонска академиjа на науките и уметностите. ISBN 9989649286.

Надворешни врски

Црква „Св. Атанасиј“ - Сенокос на Ризницата ^?

[1] Јелена Павловска, Наташа Ниќифоровиќ и Огнен Коцевски (2011). Валентина Божиновска (уред.). Карта на верски објекти во Македонија. Менора - Скопје: Комисија за односи во верските заедници и религиозните групи. стр. 19. ISBN 978-608-65143-2-7.

[црква-2] 2,0 ^2,1 „Црква „Свети Атанасиј“, село Сенокос“. OldPrilep. 20 април 2012.

[3] Коцо, Димче (1996). Археолошка карта на Република Македонија. II. Скопје: Македонска академиjа на науките и уметностите. ISBN 9989649286.

[1]

[2]

[3]