Црква „Пресвета Богородица“ - Јанче

Пресвета Богородица — главна и единствена црква во долнореканското село Јанче.^[1] Црквата се наоѓа во јужниот дел од селото.

Местоположба
Пресвета Богородица

Поглед на црквата
македонска православна црква
Епархија	Дебарско-кичевска
Архијерејско намесништво	Дебарско
Парохија	Дебарско-реканска

Координати	41°35′13.3″N 20°37′36.7″E / 41.587028° СГШ; 20.626861° ИГД / 41.587028; 20.626861
Место	Јанче
Општина	Маврово и Ростуше
Држава	Македонија
Општи податоци
Покровител	Богородица Марија
Архитектонски опис

Историја уреди

Во првата половина на 2014 година, непознати сторители влегле во црквата преку прозорец од задната страна и украле три поголеми и една помала икона со старост поголема од еден век.^[2]

Архитектура уреди

Градбата на црквата има правоаголна основа со полукружна апсида во задниот дел. Главната влезна врата е сместена на западната страна и над неа има ниша со ликот на Богородица и Исус, а до внатрешноста на храмот води и споредба врата сместена од северната страна. На ѕидовите од црквата има повеќе прозорци. Црквата е градена од камен и е покриена со кров од ќерамиди.

Дворот на црквата е ограден со камена ограда, а во него се наоѓаат помошен објект и камбанаријата. Камбанаријата е со правоаголна основа и истата се состои од два дела. Во долниот дел е отворена од сите страни, додека во горниот има по една голема монофора на западната и источната, како и по една голема бифора на северната и јужната страна. Покриена е со пирамидален лимен кров. Од надворешната страна на оградата, непосредно од десната страна на портата има чешма со натпис на српски јазик.

Галерија уреди

Црквата со камбанаријата
Влезната порта од дворот со чешмата
Северната страна на црквата
Апсидата на црквата
Источната страна на црквата
Помошниот објект (лево) и камбанаријата (десно)
Камбанаријата на црквата

Поврзано уреди

Наводи уреди

↑ Јелена Павловска, Наташа Ниќифоровиќ и Огнен Коцевски (2011). Валентина Божиновска (уред.). Карта на верски објекти во Македонија. Менора - Скопје: Комисија за односи во верските заедници и религиозните групи. стр. 36. ISBN 978-608-65143-2-7.
↑ С., С.. „Ограбена црквата во село Јанче“. МРТ. 2 март 2014.

Надворешни врски уреди

Црква „Пресвета Богородица“ - Јанче на Ризницата ^?

[список-1] Јелена Павловска, Наташа Ниќифоровиќ и Огнен Коцевски (2011). Валентина Божиновска (уред.). Карта на верски објекти во Македонија. Менора - Скопје: Комисија за односи во верските заедници и религиозните групи. стр. 36. ISBN 978-608-65143-2-7.

[2] С., С.. „Ограбена црквата во село Јанче“. МРТ. 2 март 2014.

[1]

[2]