Црва „Св. Атанас“ - Бугариево
Свети Атанас (грчки: Άγιος Αθανάσιος) — црква во селото Бугариево, Солунско, Егејска Македонија. Влегува во состав на Полјанско-кукушката епархија на Цариградската патријаршија.
| Свети Атанас | |
|---|---|
| Άγιος Αθανάσιος | |
 | |
| 40°45′20″N 22°45′45″E / 40.75556° СГШ; 22.76250° ИГД | |
| Место | Бугариево, Солунско |
| Земја | Егејска Македонија, Грција |
| Вероисповед | Цариградска патријаршија |
| Архитектура | |
| Културнонаследна категорија | споменик на културата |
| Архит. тип | трикорабна базилика |
| Завршена | XVII век / 1858 |
| Управа | |
| Архијерејско намесништво | Каваклиско |
| Епархија | Полјанско-кукушка |
Црквата е главна знаменитост на селото. Според месните преданија, изградена е на местото на манастир основан од монахињата Пелагија во XVII век кој горел на три наврати. Во денешниот облик црквата е изградена во 1858 г. и претставува трикорабна поствизантиска базилика со убава женска црква, дрвен парапет, насликан иконостас и фрески од XVIII век. Во минатото, на селската слава (2 мај) се е правел курбан. Иконите во црквата се дело на Константин Ламбу од погрченото солунско село Кулакија. Црквата работела од 1860 г. до 1967 г., кога била затворена околу шест месеци поради пукнатини на ѕидовите. Тогаш нејзината парохија се споила со соседната парохија „Свети Пантелејмон“. Во 1977 г. е изградена нова црква, осветена на 2 октомври 1977 г. од Дионисиј Неаполско-ставруполски. Новата црква е трикорабна базилика, живописана во 1986 г. Следната година се додадени надворешна колонада и трем.[1]
Храмот е прогласен за историски споменик на 10 јули 1985 г.[2]
Поврзано
уредиНаводи
уреди- ↑ „Ιερός Ναός Αγίου Αθανασίου Νέας Μαγνησίας της Ιεράς Μητροπόλεως Νεαπόλεως και Σταυρουπόλεως“. Άγιοι και Εκκλησία. 1 мај 2012. Посетено на 11 јуни 2014.
- ↑ „ΥΑ ΥΠΠΕ/Φ34/35706/715/17-6-1985 - ΦΕΚ 425/Β/10-7-1985“. Διαρκής κατάλογος κηρυγμένων αρχαιολογικών τόπων και μνημείων. Архивирано од изворникот на 2022-05-12. Посетено на 18 октомври 2014.