Циклон Ема (2008)
Циклонот Ема бил екстратропски циклон што поминал низ неколку главно централноевропски земји, во саботата на 1 март 2008 година, убивајќи најмалку дванаесет луѓе во Австрија, Германија, Полска и Чешка.[1] Брзината на ветрот достигнала до 155-180 км/ч во Австрија и Чешка.[2] Големи прекини во инфраструктурата и некои повреди беа пријавени и во Белгија, Франција, Швајцарија и Холандија.[3]
Метеоролошки контекст
уредиНа 28 февруари 2008 година, во близина на Њуфаундленд се формира област со низок притисок. Притисокот во неговиот центар бил околу 985 НPa во моментот на формирање. За неколку часа, многу се зајакнала и се продлабочила на 959 НPa во близина на Фарските Острови. Вечерта на 29 февруари,топлиот бран стигнал до германскиот брег, предизвикувајќи големи количини дожд. Околу полноќ е проследен со студен бран, кој набргу бил проследен со силен ветер.
Прогресија на невремето
уреди
Германија и Холандија биле први погодени од невремето, кое стигнало на копното вечерта на 29 февруари, проследено со силни налети на ветер кои достигнуваат максимални 150 км/ч. Во голем број германски региони, овие налети ги предупредуваат властите да го запрат железничкиот и автомобилскиот сообраќај. Во исто време, воздушниот сообраќај на аеродромот Схипхол во Амстердам бил многу нарушен. На морскиот брег, браната на Холандше Ајсел е клаузирана со претпазливост. Во Белгија, пожарникарите вршеле стотина интервенции во текот на ноќта, главно поради соборувањето на дрвја од ветрот.
Налетите брзо се движеле кон Баварија, предизвикувајќи прекин на електричната енергија за речиси 150.000 луѓе. Во екот на невремето, материјалните штети се значителни, при што биле соборени дрвја, оштетена е урбаната инфраструктура и транспортот, а прекинот на електричната енергија ги терало властите да очекуваат финансиската штета од невремето да се зголемува. Штетата е проценета до „десетици милиони евра“.
Покрај ова, Германија е исто така земја која претрпела најголем број на загинати, со 6 загинати.
Утрото на 1 март, додека невремето се движело кон југоисток, налетите предизвикале две несреќи. Дрво паднало на Меѓуградски-Експрес. Набргу потоа, Ербас А320 на Луфтханза за малку ќе се срушел на пистата на аеродромот во Хамбург. Бидејќи налетите го дестабилизирале авионот, пилотот едвај успеал да слета.[4]
Во Франција, регионот на Алзас бил исто така погоден од невремето. Во комуната Пфастат, дел од покривот на супермаркет е откорнат, што довело до превентивна евакуација.
Во Австрија, невремето ја натерало владата да го прекине пристапот до неколку патишта и автопати. Пријавени биле значителни штети на повеќе локации, додека ветровите достигнале и до 190 км/ч измерени на австриските Алпи. Во Салцбург и Виена ветровите достигнале брзина 140 км/ч . Во Виена, паднал кран и речиси 10.000 домови имале прекин на струја.
Во Швајцарија и Лихтенштајн, каде што ветровите достигнале и понекогаш надминувале 200 км/ч, неколку луѓе се повредени. Автопатите А1 и А3 привремено биле затворени за сообраќај поради урнати дрвја на коловозите.[5]
Од невремето била зафатена и Полска. Возот што ги поврзува Варшава и Краков бил откажан поради безбедносни причини, пријавена била голема материјална штета и смрт на две лица. Илјадници домови имале прекин на електричната енергија.
Во Чешка, регионот на Прага кој бил зафатен со ветрови кои достигнувале брзина 140км/ч . Во главниот град, откорнат бил покривот на зграда, што довело до евакуација на четириесет жители. Прекинот на струја предизвикан од оштетените далноводи погодил 920.000 домови, што претставува околу 10% од населението во Чешка, а железничкиот сообраќај бил многу нарушен. Вкупната цена на невремето во земјата се проценува на неколку стотици милиони чешки круни од страна на најголемата чешка компанија за осигурување, Чешка Појистовна. Две лица загинале од невремето.[5]
Кога завршило невремето, поплавите кои биле предизвикани од обилните врнежи погодиле неколку области, како Баварија.
Биланс на жртвите
уреди- Во Германија пет лица загинале во сообраќајни несреќи предизвикани од временските услови, додека шестото лице било згмечено од дрво.
- Во Австрија, две лица станале жртви на паѓање дрвја, додека трето било однесено од лизгање на земјиштето. Набргу потоа, еден човек загинал во својата приколка кога ветрот го однел.
- Во Полска две лица загинале во сообраќајни несреќи предизвикани од паднати дрвја и други слични незгоди.
- Во Чешка, 11-годишно девојче било згмечено од дрво во Либезнице, додека маж на возраст од осумдесет години починал откако бил погоден од брановидна плоча откорната од невремето.
Наводи
уреди- ↑ „Hurricane Emma kills nine in central Europe“. EuroNews. 2008-03-01. Архивирано од изворникот на 2008-03-02. Посетено на 2008-03-02.
- ↑ Heinrich, Mark (2008-03-01). „High winds kill eight and cut power in central Europe“. Reuters. Архивирано од изворникот на 2008-03-05. Посетено на 2008-03-02.
- ↑ „Violent storms kill eight, disrupt transport in Europe“. Agence France Presse. 2008-03-01. Архивирано од изворникот на 2008-03-05. Посетено на 2008-03-02.
- ↑ „German jet almost crashes (1:30)“. Reuters. 3 March 2008. Посетено на 14 March 2021.
- ↑ 5,0 5,1 „La tempête "Emma" fait 9 morts et de sérieux dégâts en Europe“. La Dépêche. 2 March 2008. Посетено на 10 January 2019.
Надворешни врски
уреди- Список на европски временски системи од Слободниот универзитет во Берлин Архивирано на 18 јануари 2022 г.