Хари Потер и Затвореникот од Азкабан (филм)

Хари Потер и Затвореникот од Азкабан (англиски: Harry Potter and the Prisoner of Azkaban) e фантастично-авантуристички филм од 2004 година, заснован на истоимениот роман од Џ. К. Роулинг. Режиран од мексиканскиот режисер Алфонсо Куарон, ова е третиот филм од серијалот Хари Потер. Во главните улоги се појавуваат Даниел Редклиф како адолесцентниот волшебник Хари Потер и Руперт Гринт и Ема Ватсон како најдобрите другари на Хари, Рон Визли и Хермиона Гренџер. Гери Олдмен и Дејвид Тјулис се придружуваат на глумечката екипа како новите ликови Сириус Блек и Ремус Лупин. Во овој филм, улогата на Албус Дамблдор е играна од Мајкл Гембон кој ја презема од Ричард Харис кој почина од Хоџкинова болест. Стив Кловс се враќа како сценарист, додека Крис Колумбус (режисерот на претходните два филма) стана режисер, покрај Дејвид Хејмен. Филмот првпат се прикажа на 31 мај 2004 година во Обединетото Кралство, а на 4 јуни 2004 во Северна Америка, како прв филм пуштен во IMAX кината и прв кој користи IMAX технологија. Ова е последниот филм од целиот серијал кој е издаден и на видео лента.

„Хари Потер и Затвореникот од Азкабан“
Податотека:Harry Potter and the Prisoner of Azkaban poster.png Британскиот кино-постер
Режисер	Алфонсо Куарон
Продуцент	Крис Колумбус Дејвид Хејмен Марк Редклиф
Сценарист	Сценарио: Стив Кловс Роман: Џ. К. Роулинг
Главни улоги	Даниел Редклиф Руперт Гринт Ема Ватсон Мајкл Гембон Гери Олдмен Дејвид Тјулис Тимоти Спол Ема Томпсон
Музика	Џон Вилијамс
Кинематографија	Мајкл Серисин
Монтажа	Стивен Вајсберг
Студио	Heyday Films 1492 Pictures
Дистрибутер	Warner Bros. Pictures
Премиера	31 мај 2004 (Обединето Кралство) 4 јуни 2004 (САД)
Времетраење	141 минута
Земја	Обединето Кралство САД
Јазик	англиски
Буџет	130 милиони долари
Бруто заработка	$795,634,070
Претходен	Хари Потер и Одајата на тајните
Следен	Хари Потер и Пламениот пехар

Филмот беше номиниран за два Оскари — Оскар за најдобра оригинална музика и Оскар за визуални ефекти на 77. доделување на наградите Оскар одржано во 2005.