Туртел

Туртел — врв на планината Плачковица со висина од 1.603 м. Врвот се издига во западниот дел од планината.

Туртел
Врвот Туртел
Највисока точка
Надм. вис.	1.603 м
Координати	41°47′48″N 22°26′18″E
Географија
Туртел на карта
Матичен венец	Плачковица
Искачување
Прво освојување	непознато
Најлесен пат	Карбинци — планинарски дом „Вртешка“ — одморалиште „Плачковица“ — Туртел

Географија

Врвот се наоѓа на западниот дел од планината Плачковица, односно од левата страна на долината на Зрновска Река. Од туртелско било кон запад се протега панорамски видик на голема далечина, додека источната страна кон долината на Зрновска Река е густо пошумена.

Во околината на врвот се застапени мермери во геолошка градба, што придонело кон создавање на повеќе пештери. Поради застапеност на мермери во геолошката градба на овој дел, околу Туртел се создале повеќе пештери. Најдолга од нив е Голема Пештера, со должина од околу 600 метри, а од другите пештери познати се Ќуп, Ајдучка, Туртел и Понор. Пештерите главно се лесно достапни и до нив водат обележани патеки.

Правци за искачување

Најдобра пристапност до врвот Туртел има од источната страна. Искачувањето започнува по асфалтен пат од селото Карбинци, кој најпрво води до планинарскиот дом „Вртешка“ на надморска висина од 1.107 м, а потоа до одморалиштето „Плачковица“ на надморска висина од околу 1.350 м, од каде што се продолжува до самиот врв.

Галерија

• 
  Поглед кон врвот Туртел од патеката која води кон лисечкото било
• 
  Поглед кон радиодифузниот објект „Туртел“
• 
  Поглед кон Туртел (најпозади) од врвот Чупино

Поврзано

• Лисец (Плачковица)
• Чупино Брдо (Плачковица)
• Бел Камен (Плачковица)
• Кара Тепе (Плачковица)