Тункиншки национален парк
Тункиншкиот национален парк( руски: Тункинский) се наоѓа во јужниот дел на централен Сибир, опфаќајќи планински регион во средината што се поврзува преку долината на Бајкалското езеро југозападно до границата со Монголија . На север и запад, долината се граничи со работ на Сајанските планини. На исток се наоѓа пониската Хамар-Дабан планина. Со површина од 1.183,662 хектари, паркот го опфаќа целиот Тункиншки реон во Република Бурјатија. Тоа е околу 200 километри југозападно од градот Иркутск.[1]
| Тункиншки национален парк | |
|---|---|
МСЗП — Категорија II (национален парк) | |
 | |
| Место | Бурјатија
Русија |
| Најблизок град | Иркутск |
| Површина | 11 837 км2 |
| Воспоставен(а) | 1991 година |
| Управно тело | Федерален центар за здравје на животните во Русија |
Топографија
уредиГеографијата на Тункишкиот регион вклучува драматични предели (Туншки Алпи) на пукнатини и леднички долини и планини, топли извори, планински ливади, водопади и многу сродни живеалишта. Паркот се наоѓа таму каде што се среќаваат тајгата, степите, алпските шуми и езерските екосистеми. Тункиншки, и долината Тунка, се наоѓа помеѓу Бајкалското езеро и Ховсголското езеро.[2][3] Височините на планините се движат од 668 м до 3 172 м.[4] Централната долина на Иркутск е рамнина со плодна земја која е погодна за земјоделство. Во долината има неколку мали населби, претежно населени со домородни сибирски народи.[5]
-
Границите на паркот се совпаѓаат со границите на Тункиншкиот округ -
Неактивен вулкан Талскаја -
Реката Кингирга
.svg)
Клима
уредиПаркот има континентална клима ( Кепенова класификација климата Dwc субполарна клима: снежните клима со суви и ладни зими и пријатни лета). Просечните годишни врнежи се 595 mm (најголеми количини се летните врнежи).[6]
Фауна
уредиКако биолошки разновиден и изолиран парк, Тункиншки е дом на бројни животни: идентификувани се над 305 ’рбетници, од кои 62 се одликуваат како ретки или загрозени. Загрозените видови вклучуваат снежен леопард (со потврдено присуство во северниот дел на паркот) и азиско диво куче (исто така присутно во северниот дел).[7] Истражувачите на паркот идентификувале 54 видови цицачи (од кои некои се сибирски срна, лакомец, лос и степски твор), 18 видови риби (најчесто липлан, крап, клен и жолтоперка), 207 видови гнездени птици и уште 30 птици преселници, 4 видови водоземци и 5 видови влекачи.[1]
Флора
уредиЕкорегијата вклучува иглолисни шуми на падините на Сајанските планини (честопати наречени шуми тајги) кои се класифицирани како умерени зимзелени шумски биоми.[8] Ова се шуми од преодните зони кои содржат видови од сибирската тајга и монголската степа, пред се бор, кедар и ариш. Долните подрачја се одликуваат со шумско-степска вегетација.[9] Поголемите височини вклучуваат тундра и алпски ливади. Регистрирани се повеќе од 900 васкуларни растенија, а 43 загрозени растителни видови се наведени во Руската Црвена книга.
Туризам
уредиМалиот спа-центар Аршан се наоѓа во подножјето на Сајанските планини и е познат по своите карбонатни минерални извори. Градот има развиена инфраструктура, вклучувајќи хотели, плажи и кафулиња. Подрачјето е познато по кајак, планинарење и качување по карпи.[5]
Користена литература
уреди- ↑ 1,0 1,1 „NPTunka“. Official Park Site (in English). Ministry of Natural Resources and Environment of the Russian Federation. Архивирано од изворникот на 13 април 2012. Посетено на 1 ноември 2015.. Проверете ги датумските вредности во:
|accessdate=, |archive-date=(help) - ↑ „TunkaRus“. Tunkinsky Park; Russian Zapovedniks and National Parks. Russian Nature. Посетено на 1 ноември 2015.. Проверете ги датумските вредности во:
|accessdate=(help) - ↑ „RusNature“. Geophysical Features of Lake Baikal and Its Catchment. Russian Nature. Посетено на 1 ноември 2015.. Проверете ги датумските вредности во:
|accessdate=(help) - ↑ Russia, OOPT. „ooptinfo“. Protected Russia: Tunkinsky Park. Посетено на 1 ноември 2015.. Проверете ги датумските вредности во:
|accessdate=(help) - ↑ 5,0 5,1 „BiakalComplex“. Baikal Tourism, Tunka Valley. Посетено на 1 ноември 2015.. Проверете ги датумските вредности во:
|accessdate=(help) - ↑ Kottek, M.; и др. „Koeppen“ (PDF). World Map of the Koeppen-Gieger Climate Classification, Updated. Meteoroligische Zeitschrift, June 2006. Посетено на 1 август 2015.. Проверете ги датумските вредности во:
|accessdate=(help) - ↑ „WildRussia“ (PDF). Tunkinsky National Park. Wild Russia News, Fall 2006. Посетено на 1 ноември 2015.. Проверете ги датумските вредности во:
|accessdate=(help) - ↑ „GlobalSpecies“. Sayan Montane Conifer Forests. Global Species. Архивирано од изворникот на 30. 01. 2016. Посетено на 1 ноември 2015.. Проверете ги датумските вредности во:
|accessdate=, |archive-date=(help) - ↑ „RusNatureSayan“. The Sayan Mountains. Russian Nature. Посетено на 1 ноември 2015.. Проверете ги датумските вредности во:
|accessdate=(help)