Сумерски јазик

Сумерски јазик бил јазик на античките жители на Сумер, кој се говорел во јужна Месопотамија (денешен Ирак), од 4-от милениум п.н.е. Се смета за најстариот пишан јазик, напишан е со клинесто писмо. Во текот на 3-от милениум п.н.е., се развила културна симбиоза меѓу Сумерите и луѓето од Акад, кој влучува и близок однос меѓу двата јазика и раширена двојазичност. Влијанието на сумерскиот и акадскиот јазик е очигледно во сите области, од масовните лексички позајмувања, до синтаксичките, морфолошките и фонетичките конвергенции.

Сумерски јазик
𒅴𒂠 eme-g̃ir, eme-gi
Застапен во	Сумер и Акад
Подрачје	Ирак (Месопотамија)
Ера	Потврдено постоење околу 3000 години п.н.е. Изумрел околу 2000–1800 г.п.н.е.; користен како класичен јазик до околу 100 година наша ера.
Јазично семејство	Изолиран јазик
Писмо	Клинесто писмо
Јазични кодови
ISO 639-2	sux
ISO 639-3	sux
Сумерски документ од 26 век п.н.е.

Акадскиот јазик постепено го заменил сумерскиот како говорен јазик, некаде околу преминот од трети во втори милениум п.н.е. но, сумерскиот продолжил да се користи како религиозен, церемониски, книжевен и научен јазик на Месопотамија до 1 век од нашата ера. Потоа бил заборавен до 19 век, кога се дешифрирале глинените таблици со клинестото писмо. Сумерскиот јазик е изолиран, без познати сродни јазици. Се предложувале врски со многу јазични семејства, но ниедна не е докажана.

Сумерскиот јазик поминал низ неколку фази:

Архаичен сумерски — 3100 – 2600 п.н.е.
Стар или класичен сумерски – 2600 – 2300 п.н.е.
Нео-сумерски — 2300 – 2100 п.н.е.
Доцен сумерски — 2000 – 1800 п.н.е.
Пост-сумерски — после 1700 п.н.е.

Фонетски одлики

Многу особини на сумерскиот јазик не можат точно да се одредат поради начинот на кој е напишан: со клинестото писмо кое не ги бележи верно гласовите и за кој не е познат точен изговор на сите симболи.