Суво Грло (Штипско)
Суво Грло — село во Општина Штип, во областа Лакавица, во околината на градот Штип.
| Суво Грло | |
Воздушен поглед на Суво Грло | |
  Суво Грло Местоположба на Суво Грло во Македонија
Суво Грло на карта
| |
| Координати 41°36′27″N 22°13′58″E / 41.60750°N 22.23278°E | |
| Регион |  Источен
|
| Општина |  Штип
|
| Област | Лакавица |
| Население | 4 жит. (поп. 2021)[1]
|
| Пошт. бр. | 2000 |
| Повик. бр. | 032 |
| Шифра на КО | 30055 |
| Надм. вис. | 430 м |
|
Суво Грло на општинската карта  Атарот на Суво Грло во рамките на општината | |
 Суво Грло на Ризницата
| |
Географија и местоположба
уредиСелото се наоѓа во јужниот дел на Општина Штип, во проширената долина на реката Крива Лакавица.[2] Селото е ридско, чии куќи се издигаат на надморска височина од 410 до 520 метри.[2]
Низ селото поминува регионалниот пат 2433, кој не е асфалтиран, а селото е поврзано со земјен пат од регионалниот пат 1204 кај селото Лакавица.
Историја
уредиПодрачјето на Суво Грло е населено барем од доцноантичкото време, за што сведочат остатоците од некрополи и населби пронајдени на наоѓалишта во близина на селото.[3]
Стопанство
уредиАтарот на селото зафаќа простор од 8,9 километри квадратни. На него преовладуваат обработливите површини на површина од 365 хектари, на шумите отпаѓаат 324 хектари, а на пасиштата 118 хектари.[2]
Селото, во основа, има полјоделска функција.[2]
Население
уреди
|
| |||||||||||||||||||||||||||||||||
Според статистиката на Васил К’нчов („Македонија, Етнографија и статистика“) оd 1900 година, во Суво Грло живееле 210 жители, сите Турци.[4]
Според Димитар Гаџанов во 1916 година селото имало 70 жители, сите Турци.[5]
Според германска карта издадена во 1941 година, а заснована на пописот на Кралството Југославија од 1931 година, селото имало 100 Македонци и 25 до 50 Власи.[6]
Селото е мало, коешто во 1961 година броело 146 жители, од кои 88 биле Македонци, а 55 жители други (односно Власи). Во 1994 година, бројот се намалил на само 20 жители, од кои 15 биле Македонци, а пет жители Власи.[2]
Според пописот од 2002 година, во селото живееле 13 жители, од кои 10 Македонци и 3 Власи.[7]
Според последниот попис од 2021 година, во селото живееле 4 жители, од кои 2 Македонци и 2 Власи.
Низ годините ова било вкупното население и етничка припадност на населението во Суво Грло:
| Година | Македонци | Албанци | Турци | Власи | Срби | Ост. | Вкупно |
|---|---|---|---|---|---|---|---|
| 1948 | — | — | — | — | — | — | 226 |
| 1953 | 21 | 0 | 192 | 29 | 0 | 0 | 242 |
| 1961 | 88 | 0 | 3 | — | 0 | 55 | 146 |
| 1971 | 69 | 0 | 0 | — | 1 | 47 | 117 |
| 1981 | 43 | 1 | 0 | 14 | 0 | 1 | 58 |
| 1991 | 10 | 0 | 0 | 7 | 0 | 0 | 17 |
| 1994 | 15 | 0 | 0 | 5 | 0 | 0 | 20 |
| 2002 | 10 | 0 | 0 | 3 | 0 | 0 | 13 |
| 2021 | 2 | 0 | 0 | 2 | 0 | 0 | 4 |
* Извор: Државен завод за статистика на Република Македонија (1948-2021), според податоци од официјалните пописи во соодветните години
Самоуправа и политика
уредиНа крајот од XIX век, Суво Грло било село во Штипската Каза на Отоманското Царство.
Селото влегува во рамките на Општина Штип, една од ретките општини која не била променета при новата територијална поделба на Македонија во 2004 година. Во периодот од 1996-2004 година, селото било во рамките на некогашната Општина Штип.
Во периодот 1957-1996 година, селото се наоѓало во рамките на големата Општина Штип. Во периодот од 1955 до 1957 година, селото влегувало во рамките на тогашната општина Лакавица.
Во периодот 1952-1955, селото било дел од тогашната општина Лакавица, во која покрај селото Суво Грло се наоѓале селата Балталија, Брест, Гарван, Горачино, Загорци, Лакавица, Лесковица, Липов Дол, Љуботен, Ново Село, Пиперово, Пухче, Скоруша, Степанци, Танатарци, Чифлик и Шопур. Во периодот 1950-1952, селото било дел од некогашната општина Лесковица, во која влегувале селата Брест, Лесковица, Ново Село, Пиперово и Суво Грло.
Избирачко место
уредиВо селото постои избирачкото место бр. 2303 според Државната изборна комисија, сместено во просториите на приватна куќа.[8]
На претседателските избори во 2019 година, на ова избирачко место биле запишани вкупно 15 гласачи.[9] На локалните избори во 2021 година, на ова избирачко место биле запишани вкупно 15 гласачи.[10]
Културни и природни знаменитости
уреди- Археолошки наоѓалишта[3]
Поврзано
уредиНаводи
уреди- ↑ „Пописна слика на населените места во Македонија, Попис 2021“. Државен завод за статистика. Посетено на 22 декември 2022.
- ↑ 2,0 2,1 2,2 2,3 2,4 Панов, Митко (1998). Енциклопедија на селата во Република Македонија (PDF). Скопје: Патрија. стр. 290. Посетено на 22 март 2025.
- ↑ 3,0 3,1 Грозданов, Цветан; Коцо, Димче; и др. (1996). Археолошка карта на Република Македонија. Т. 2. Скопје: МАНУ. стр. 441. ISBN 9989-649-28-6.
- ↑ Кънчов, Васил. Македония. Етнография и статистика, София, 1900, стр. 231.
- ↑ Гаджанов, Димитър Г. Мюсюлманското население в Новоосвободените земи, в: Научна експедиция в Македония и Поморавието 1916, Военноиздателски комплекс „Св. Георги Победоносец“, Университетско издателство „Св. Климент Охридски“, София, 1993, стр. 240.
- ↑ „200K Volkstumskarte Jugoslawien“.
- ↑ „Попис на Македонија“ (PDF). Завод за статистика на Македонија. 2002. Посетено на 22 март 2025.
- ↑ „Описи на ИМ“. Архивирано од изворникот на 2023-08-17. Посетено на 3 ноември 2019.
- ↑ „Претседателски избори 2019“. Архивирано од изворникот на 2019-12-29. Посетено на 3 ноември 2019.
- ↑ „Резултати“. Државна изборна комисија. Посетено на 22 март 2025.
Надворешни врски
уреди
Суво Грло (Штипско) на Ризницата ?
