Субура (филм)

Субура е филм од 2015 година во режија на Стефано Солима, заснован на истоимениот роман од Карло Бонини и Џанкарло де Каталдо.

Напишан од Стефано Рули и Сандро Петраља, главни улоги ги играат Пјерфранческо Фавино, Клаудио Амендола, Елио Џермано, Алесандро Борги, Грета Скарано и Џулија Елетра Гориети.

Филмот е втор дел од Трилогијата на Криминалниот Рим од Солима, претходен од Криминален роман - серијал, на кој му следи Адаџо што требало да излезе во 2023 година.

Режисерот му го посветил филмот на својот татко Серџо, кој починал неколку месеци пред прикажувањето на филмот.

Романот и филмот го преземаат насловот од истоимената населба во Стариот Рим, чиј што долен дел бил особено озогласен.

Содржина

Рим, 5 ноември 2011 година. Папата се подготвува да вечера како и секоја вечер во посебната просторија во Ватикан, но се чини дека некој сомнеж го мачи; подоцна на својот личен секретар му ја доверува намерата дека сака да се повлече. Филипо Малгради е корумпиран парламентарец заплеткан во криминал и е стар пријател на итриот и авторитетен „Самурај“, легендарниот криминален бос во Рим, последниот преживеан од Банда дела Маљана и гаранција за односите меѓу ситниот римски криминал, мафијашките фамилии во Јужна Италија и политиката. Тензиите во Собранието се разгорени и Малгради, по напуштање на една дебата, поминува една ноќ имајќи секс и конзумирајќи дрога во хотел заедно со ескортот Сабрина и уште една малолетна проститутка.

Гордиот и импулсивен Аурелиано Адами, познат како Нумеро 8 (мак. Број 8), криминален бос во областа Остија, дивјачки го претепува сопственикот на една зграда во Остија во која што подметнува пожар, обидувајќи се да го убеди да му го отстапи земјиштето, а потоа ја остава неподвижен во запалената зграда. Бакароцо, римски криминалец кој штотуку е ослободен од затвор по дваесет години, се среќава со Самурај во еден бар. Тој упорно бара да му се врати на (криминалниот) бизнис со Самурај, но босот, и покрај заканите на Бакароцо, јасно се противи. На излегување од барот, Бакароцо е прегазен од автомобил што се движи со полна брзина (најверојатно по наредба на „Самурај“). Дури ниту за Малгради работите не одат добро: малолетната проститутка со која ја поминува вечерта умира од предозирање, а Сабрина, исплашена, е принудена да го повика „Спадино“, помладиот брат на Манфреди - шеф на циганскиот подземен клан Анаклети. Спадино се ослободува од телото фрлајќи го во вештачко езеро во близина на Рим.

Следното утро, на 6 ноември, Себастијано, срамежлив и нервозен организатор на настани, има многу напната средба со својот татко во кафуле на Лунготевере. Само што го напуштаат барот, таткото се самоубива скокајќи од Понте Виторио. Спадино го уценува Малгради барајќи моќ и пари во замена за молчење за прикривањето на телото. Политичарот бара од сопартиец (г. Роњати познат како „Роња“) да најде некој способен да го заплаши младиот човек и да го ослободи Малгради од уцената, и му се јавува на Нумеро 8. Во меѓувреме, Себастиано го носат кај Манфреди, шеф на ромскиот клан Анаклети и постар брат на Спадино; газдата го известува за големите долгови кои татко му ги склучил со него и веднаш бара нивна отплата: Себастиано е принуден да се откаже од својот дом, автомобилот Порше и пред сѐ од луксузната вила на неговата компанија каде што организира ноќни настани, неговиот извор на приходите. Истата вечер Нумеро 8 и Спадино се среќаваат пред ноќен клуб на периферијата на Рим. И покрај заканите, Спадино не им потпаѓа и вели дека сака да ги искористи тешкотиите на Малгради за да влезе во бизнисот што е важен, но тој е прободен во грлото и умира.

На 7 ноември, Сабрина, кога слуша за смртта на Спадино на вестите, се плаши за сопствената безбедност. Во меѓувреме, во посета на Малгради доаѓа Самурајот кој бара појаснување за убиството на Спадино, а како објаснување од парламентарецот добива дека немал намера да го убие момчето туку само да го исплаши. Самурај прашува дали има други сведоци и нуди да му даде заштита во криминалните кругови, но во замена бара од него да го прошири предлог-законот за обнова на предградијата (чиј промотер е Малгради) до областа Остија. Во замена ќе му даде пари и заштита од веројатната одмазда на Манфреди. На станицата Тибуртина, Малгради ја среќава Сабрина, ја уверува дека тој не е поттикнувач на убиството, но и кажува дека сторителот е газдата на Остија, Нумеро 8, и ја советува да не оди дома со оглед на опасната ситуација.

Кај Нумеро 8 оди Самурај, кој го прекорува за убиството, кое - со оглед на тоа што Спадино е поврзан со ривалски клан - може да предизвика мафијашка војна и да го уништи шпекулативниот проект за обнова на предградијата во кој учествуваат и мафијашките семејства од југот, па тој го замолува да не прави ништо додека не заврши проектот. Нумеро 8 не сака да се потчини на јужните мафијашки кланови со кои некогаш бил поврзан неговиот татко, но разбира дека ќе има заработка од шпекулациите во неговата област на мафија. Сабрина оди во куќата на Себастиано, со кого е пријателка (со оглед на тоа што е редовна во неговиот клуб), и му се доверува откривајќи го името на убиецот на Спадино. Себастиано потоа го информира Манфреди за името на убиецот на неговиот брат, надевајќи се на чин на помилување од шефот и дека ќе може да си ја врати вилата како работна активност.

8-ми ноември. Во супермаркет IperCoop во Остија каде што Нумеро 8 ја собира „провизијата“ заедно со неговата девојка наркоманка Виола, тројца задолжени од Манфреди се обидуваат да го убијат младиот бос, кој е само ранет успевајќи да им побегне благодарение на помошта на Виола и неговата десна рака Мирко.

На 9 ноември, Самурај се среќава со кардиналот Бершет, неодамна шокиран од веста за идната оставка на папата, за да ги земе парите од мафијашко потекло чувани во IOR, кој го уверува, откако добил прикриена закана од криминалецот и ветување за поголем удел во договорот, дека ќе ги одблокира фондовите потребни за награда на Малгради и другите вклучени политичари. Виола и луѓето на Нумеро 8 предлагаат одмазда против ромскиот клан поради обидот за убиство, но босот одбива. Манфреди успева да стигне до Сабрина преку Себастиано, кој за време на погребната миса на татко му е принуден да му ги даде клучевите од неговата куќа каде што девојката сè уште се наоѓа; при што на тој начин таа е принудена да му го открие на газдата името на политичарот за кој „работила“ таа вечер. Подоцна Виола и Мирко, без да знае Нумеро 8, ги убиваат бомбашите од претходната вечер во еден спа центар.

Вечерта на 10 ноември, Манфреди, уште повеќе желен за одмазда (убиените соработници биле неговите браќа), се среќава со Самурај, кој го принудува да се откаже бидејќи Нумеро 8 е важен во преговорите за Остија. Манфреди го одбива предлогот. Знаејќи за Малгради, Манфреди бара од Себастиано да објасни од што се состои проектот Остија: проектот, наречен Waterfront, треба да го трансформира брегот на Остија во еден вид Лас Вегас; шпекулациите за недвижнини околу неговата изградба ќе бидат многубројни, што на оние кои ќе се приклучат на проектот ќе им овозможат одлична можност енормно да се збогатат. Манфреди решава да ја примени својата одмазда на поинаков начин и да го уценува Малгради. Влегувајќи во неговата куќата и принудувајќи го Себастијано да дојде со него за да му помогне да постигне договор, тој му се заканува на пратеникот со тоа што ќе се вклучи во договорот за Waterfront и барајќи 20% од профитот. Политичарот е принуден да прифати, а неговиот мал син ќе му биде доверен како затвореник на Себастиано, тотално на милост и немилост, кој мора да го држи врзан и со врзани очи во неговата куќа. Малгради потоа се среќава со Самурај, објаснувајќи го киднапирањето на неговиот син од ромскиот клан на Манфреди и бара помош. Самурај го уверува дека сè ќе среди и дека ќе размислува да се изгласа законот за поделба во Остија.

11 ноември. Во посета на Нумеро 8, кој е длабоко лут на Виола, затоа што не ги послушала неговите наредби и за убиствата што би можеле да предизвикаат војна (тој всушност ја претепува девојката), доаѓа Самурај, со намера да склучи мир меѓу клановите: сепак, тој бара дел од неговите идни акции од проектот како компензација на Манфреди за убиствата, а Виола да биде „достапна“ за Анаклети. Нумеро 8 категорично ги одбива овие две понуди, навредувајќи ги Самурај.

Следното утро, на 12 ноември, Самурај и друг платен убиец тивко пристигнуваат на местото каде што се крие Нумеро 8 и ладнокрвно го убиваат заедно со Мирко и неговите други луѓе; Виола, зашеметена од хероинот што штотуку го земала, е способна само очајно да ја набљудува целата сцена, но успева да се сокрие во вратата од шупата и така да избега од Самурај. Во Парламентот, законот за Остија се изгласува. Самурај го известува Манфреди, кој во овој момент му дава овластување на Себастијано да му го врати синот на политичарот. Организаторот на настаните очекува шефот, откако ги извршил сите негови наредби, да му ја врати вилата, но човекот продолжува да се однесува грубо со него и да ја занемарува темата. Себастиано станува нервозен и откако ќе го притисне шефот, брутално е претепан од Манфреди, кој го остава онесвестен на улица.

Истата вечер, политичарите од партијата на Малгради, со намера да слават за одобрување на законот за Остија, добиваат порака со која се најавува падот на владата. Во меѓувреме, еден пријател го предупредува Малгради дека судството ќе отвори истрага против него за смртта на младата проститутка, во меѓувреме пронајдена од нуркачи во езерото. Малгради трча кон Палацо Киџи, поминувајќи низ толпата демонстранти кои ја укоруваат владата, а потоа се напразно го брка автомобилот на претседателот, кој ќе поднесе оставка и на тој начин сфаќа дека сега не може да биде повторно избран, да ужива во парламентарскиот имунитет. Себастијано, во меѓувреме, го става во заседа Манфреди, го претепува и откако е неподвижен, го затвора во боксот на неговиот жесток питбул, оставајќи го кучето да го распарчи. По посета на неговата стара мајка, Самурај е изненаден на скалите на живеалиштето од страна на Виола. Тој и кажува дека сака да ѝ понуди нешто, на што таа одговара: „Следен пат“. На крај го убива, пребодувајќи го.

Промоција

Првиот постер и првиот тизер трејлер за филмот биле објавени на 25 август 2015 година.

Дистрибуција

Филмот бил прикажан во кината на 14 октомври 2015 година, дистрибуиран од 01 Distribution.

Заработка

Филмот покажа добар успех кај публиката, со заработка од 4.624.061 евра што резултира како 35-та најголема заработка во филмската сезона од 2015-2016 година.

Филмска музика

Во филмската музика на Субура се вклучени 13 песни од M83, чиј список, подолу, беше објавен на 20 октомври 2015 година преку официјалната страница на филмот на Фејсбук.

• Outro
• Wait
• Midnight City
• Sister (Part I)
• Sister (Part II)
• In the Cold I'm Standing
• Waves, Waves, Waves
• My Own Strange Path
• Bruits de Train
• We Own the Sky
• On a White Lake Near a Green Mountain
• By the Kiss
• Violet Tree