Стара турска пошта (Струмица)
Старата турска пошта — музеј кој се наоѓа во Струмица, Македонија. Објектот е сместен во стариот дел на градот во близина на наоѓалиштето Орта џамија, на улицата „Тошо Арсов“ бр. 23. Објектот е вклучен во Списокот на Културно наследство на Македонија.
| Стара турска пошта | |
|---|---|
 Отворање на реновираниот музеј од страна на Елизабета Канческа Милевска | |
| Грешка во Lua во Модул:Location_map, ред 526: Unable to find the specified location map definition: "Module:Location map/data/Македонија Струмица" does not exist | |
| Општи податоци | |
| Статус | музеј Културно наследство |
| Стил | османлиска архитектура |
| Адреса | ул. „Тошо Арсов“ бр. 23 |
| Град | Струмица |
| Земја |  Македонија |
| Координати | 41°26′8.2″N 22°38′4″E / 41.435611° СГШ; 22.63444° ИГД |
| Почната | 19 век |
| Обновена | 2010 |
| Трошок за изградба | 3,770,000 денари |
| Сопственик | НУ Завод и Музеј Струмица |
Историја
уреди
Постoи краток писмен запис од 1895 година во кој еден српски патописец ја опишува Старата турска пошта како комуникациски објект за поврзување на Струмица со другите градови во Македонија. Објектот бил граден во текот на 19 век[1], и по неговата изградба служел како пошта во времето кога овие простори биле под власта на Отоманското Царство.
Подоцна овој јавен објект бил претворен во приватна куќа во која живеело семејството Арсови, а од 2005 е во сопственост на НУ Завод и Музеј во Струмица и спаѓа во ретките објекти со споменна вредност која ја обликува архитектонската визура на некогашна Струмица.
Обликуван е со приближна квадратна основа, со подрумски дел од камен, приземје и кат во бондрук систем со карактеристична вертикална геометризација. Катот има еркерно мало исфрлање само на двете страни од куќата, додека широката стреа со обликуван венец силно го нагласува кровот изведен со ориентална ќерамида[2].
Наводи
уреди- ↑ „Отворена реставрираната Турска пошта од 19. век“. Посетено на 13 декември 2010.[мртва врска]
- ↑ „Стара архитектура во Општина Струмица“ (македонски и англиски). Посетено на 13 декември 2010.
Надворешни врски
уреди| „Стара турска пошта (Струмица)“ на Ризницата ? |