Среден шарен клукајдрвец
| Среден шарен клукајдрвец | |
|---|---|
,_%D0%91%D0%B8%D1%82%D1%86%D0%B5%D0%B2%D1%81%D0%BA%D0%B8%D0%B9_%D0%BB%D0%B5%D1%81.jpg)
| |
| Научна класификација | |
| Царство: | Животни |
| Колено: | Хордати |
| Класа: | Птици |
| Ред: | Клукајдрвци |
| Семејство: | Picidae |
| Род: | Dendrocopos |
| Вид: | D. medius |
| Научен назив | |
| Dendrocopos medius (Linnaeus, 1758) | |
Средниот шарен клукајдрвец (Dendrocopos medius) е европски клукајдрвец кој му припаѓа на родот Dendrocopos. Го има во Македонија.
Опис уреди
Средниот шарен кукајдрвец е 20–22 см долг и има перја слични на големиот шарен клукајдрвец. Како и кај тие видови, горните делови се претежно црни, со бели кругови на горниот дел од крилјата, и бели хоризонтални линии на при крајот на крилјата. Долните делови им се бели. Главната разлика е што имаат црвени круни, розови перја кај анусот, темни ленти на слабините и немаат црна мустаќеста лента.
Иако е само малку помал од големиот шарен клукајдрвец, изгледа помал заради малиот тенок клун и позаокружената бледа глава. Него може да го помешаме со сирискиот клукајдрвец (особено младенчињата), кој се одликува со мал клун, но црвената круна нема тесни црни страни.
Распространетост уреди
Средниот шарен клукајдрвец го има само во Европа и југозападна Азија, од северна Шпанија и Франција, источно до Полска и Украина, и јужно до централна Италија, на Балканскиот Полуостров,Литванија,Латвиjа,Турција,Кавказ и Иран.[2] Овие видови се гнезделе и во Шведска, но исчезнале до истребување во 80те години. (Сепак, и подоцна биле забележани во Шведска). Поради нивната седентарна природа (не се преселници) тие никогаш не биле евидентирани или видени во Велика Британија.
Живеалиште и поведение уреди
Овие птици бараат повеќе листопадни шумски предели, особено предели со стар Габер,Костен и Евла, како и колаж од ширина, пасишта и густа шума. Тие се хранат на високи дрва, движејќи се постојано и иамјќи добар поглед од височина.
Копаат гнездо во некое распаднато стебло или на потенка гранка, широко до 5 см.Несат 4-7 јајца и ги инкубираат 11-14 дена.
Средниот шарен клукајдрвец се храни со инсекти и нивните ларви. Тие, исто така, се хранат со смолата од дрвата.
Овој клукајдрвец ретко ќе го слушнеме да чука по дрвата, а никогаш во територијални цели. Тоа го прави со пеење, со еден назален звук „гваиик, гваааик, гвааик“ и забрзано „кик кикикик“.
| „Среден шарен клукајдрвец“ на Ризницата ? |
Наводи уреди
- ↑ BirdLife International (2012). „Dendrocopos medius“. IUCN Red List. Version 2012.1. International Union for Conservation of Nature. Посетено на 16 July 2012.
- ↑ [1]
- Gorman, Gerard (2004): Woodpeckers of Europe: A Study of the European Picidae. Bruce Coleman, UK. ISBN 1-872842-05-4.