Спомен-куќа на Ѓоце Стојчевски
Спомен-куќа на Ѓоце Стојчевски — стара куќа во градот Тетово прогласена за значајно културно наследство на Македонија.[1] Била музеј-куќа, а потоа во неа е сместен Музејот на тетовскиот крај.
| Спомен-куќа на Ѓоце Стојчевски | |
|---|---|
 Поглед на куќата | |
 | |
| Општи податоци | |
| Статус | споменик на културата |
| Вид | куќа |
| Стил | староградски |
| Град | Тетово |
| Земја |  Македонија |
| Завршена | XIX - XX век |
| Технички податоци | |
| Катови | 2+1 |
Сместена е во северниот дел на градот, на улица „Абдил Фрашери“ бр. 92 (старо име „Радован Цониќ“). Изградена е в на крајот на XIX или почетокт на XX век. Ова е родна куќа на народниот херој Ѓоце Стојчевски - Амбарче.[2] Претворена е во негова музеј-куќа, а подоцна во 1990 г. во неа е сместен Музејот на тетовскиот крај.
Куќата се состои од подрум, приземје, кат и мансарда. Денес подрумот (4,8 м2) е депо за експонати, книги и слики. Влезот на приземјето, од улицата „Абдил Фрашери“. Приземјето зафаќа 159,1 м2. Има мала канцеларија, две изложбени простории, единечни бетонски скали за подрумот и двојни дрвени скали за катот. Од него се влевува во некогашната воденица. Катот има површина од 56 м2 и на него има канцеларија, работна соба, изложбена просторија и балкон на кој излегува ходникот. Поткровјето зафаќа 56 м2 и сиот е искористен за етнолошка поставка. Градбата е изведена од печени тули, подот е од даски, а во старата воденица е со плочки. Покривот е со ќерамиди.[2]
Поврзано
уредиНаводи
уреди- ↑ Список на заштитени добра. Состојба до 31.12.2012. Скопје: Управа за заштита на културното наследство.
- ↑ 2,0 2,1 „Родна куќа на народен херој „Ѓоце Стојчевски"“. Управа за заштита на културното наследство. Архивирано од изворникот на 2018-07-10. Посетено на 19 јуни 2016.
Надворешни врски
уреди
Спомен-куќа на Ѓоце Стојчевски на Ризницата ?
