Споменик на Бранителите (Битола)
Споменикот на Бранителите или Ангелот[1] претставува спомен обележје на загинатите бранители од Битола и битолско во конфликтот од 2001 година. Споменикот претставува ангел со издигната рака вперена кон небото. Висок е повеќе од четири метри. Посветен е на Илче Стојановски, Бошко Најдовски, Кире Костадиновски и Марјан Божиновски кои загинале во масакрот кај Вејце, и Благојче Силјанов, Влатко Миленковски и Пеце Матичевски кои ги загубиле животите на 5 јуни 2001 година во Шипковица. Споменикот е дело на велешкиот вајар Ангел Коруновски. Споменикот заедно со постаментот достигнува висина од околу седум метри, а тежи скоро тон и половина. За неговата изработка биле потребни осум месеци. Општината Битола за изградбата на Споменикот на бранителите потрошила 150.000 евра, а во уредувањето на просторот биле вклучиле и локалните јавни претпријатија. Свечено бил поставен на 27 април 2011 година.[2]
Наводи
уреди- ↑ „Споменик на бранителите кај Градскиот часовник во Битола“. Вест. Посетено на 2011-07-05.
- ↑ „ВО БИТОЛА ПОДИГНАТ СПОМЕНИК ЗА БРАНИТЕЛИТЕ ОД 2001 ГОДИНА“. Телма. 28 април 2011. Посетено на 2011-07-05.
Галерија
уреди-
Детал на гонниот дел -
Детал на постаментот со впишаните имиња на загинатите -
Споменикот со околината
| „Споменикот на Бранителите“ на Ризницата ? |
 | Оваа статија споменик во Македонија е никулец. Можете да помогнете со тоа што ќе ја проширите. |