'''Маракас''' (Итал. La maraca; франц. Les maracas; герм. Maracas; рус. Мара́кас- /мара́ка; англ. Maraca.) понекогаш наречени '''румба шејкер''' или '''чак-чак''',<ref>{{Наведена книга|title=Cote ce Cote la: Trinidad and Tobago Dictionary|last=Mendes|first=John|publisher=Syncreators|year=1976|location=Arima, Trinidad|page=135}}</ref> е [[Куба|кубанскикуба]]нски фолклорен инструмент кој се користел при игри и танци ([[Румба|румба]], [[Фокстрот|фокстрот]], [[Танго|танго]]). Подоцна инструментот влегува во составите на естрадните [[Оркестар|оркестри]] и се распространува на сите страни, а постепено го пробива патот и во симфонискиот оркестар.<ref>Абрашев, 1995 година, стр. 212</ref> Се појавуваат и во многу жанрови на [[Карипска музика|карипската]] и [[Латино музика|латинската музика]].
Инструментот марака вообичаено се користи во пар – по еден во секоја рака. Звукот на овие инструменти кои водат потекло од [[Латинска Америка]], се добива со нивно отсечно тресење во ритам или подолготрајно во вид на [[Тремоло|тремоло]]. Инструментот е направен од [[Тиква|тиква]], дрво или пластични школки исполнети со семе, а современите, фабричките се изработени од [[Алуминиум|алуминиум]] и дрво, со дијаметарпречник од 5 до 15цм. Мараката е, всушност, еден вид штракало, кое во фолклорната традиција на одредени земји од овој континент доживува разновидни варијанти (на пр., кубанската претставува еден вид тиква чија шуплина е исполнета со ситни зрна или каменчиња) <ref>Despić, 1979 година, стр. 390</ref>. Генерално принципот на штракалата е еден од прастарите начини за произведување разновидни звуци и шумови, па оттука неговата голема застапеност во инструментариумот на примитивните народите и старите култури. Еден од инструментите кој е заснован на овој принцип е систрумот, за кој се смета дека води потекло од [[Древен Египет|Стариот Египет]], но многу рано се проширува и на [[Близок Исток|Блискиот Исток]] и во медитеранските земји.
