Софија Монфератска

Софија Монфератска била византиска царица, сопруга на византискиот царот Јован VIII Палеолог.

Софија Монфератска
Византиска царица
На престол1425–1426
Починал(а)1434
СопружникЈован VII Палеолог
ДинастијаПалеолози
ТаткоТеодор II де Монферат
МајкаЖана де Бар
Вероисповедправославие

Софија била ќерка на маркиз Теодор II де Монферат и Жана де Бар.

На 26 јануари 1404 година Софија била свршена за Филипо Марија Висконти, син на миланскиот војвода Џан Галеацо Висконти. Но бракот така и не се одржал.

На 19 јануари 1421 година Софија била мажена за Јован VIII Палеолог, единствениот преживеан син на царот Мануел II Палеолог и Елена Драгаш. Во тоа време Јован бил соцар на својот татко. Според Сфранцес, бракот бил склучен во катедралата Света Софија во Цариград[1].

Мануил Палеолог испратил специјален амбасадор до католичкиот собор во Констанца, додека барал папска дозвола за склучување на брак меѓу Софија и Јован VIII. Проблем се покажало преминувањето на Софија од католицизмот во Православната вера. Конечно се добило дозвола од папата Мартин V, кој бил избран од соборот во Констанца.

Според гласините.[2][3], Јован VIII не бил задоволен од бракот и стоел подалеку од својата сопруга[2][3].

На 21 јули 1425 година починал Мануел VIII Палеолог, а престолот бил наследен од Јован VIII. Тогаш Софија ја подместила својата свекрва како постара царица. Сепак бракот меѓу Софија и Јован VIII бил раскинат во август 1426[4]. Софија не се преженила и починала осум години подоцна.

Наводи уреди

  1. Sphrantzes, ch. 6; translated in Marios Philippides, The Fall of the Byzantine Empire: A Chronicle by George Sphrantzes, 1401-1477 (Amherst: University of Massachusetts, 1980), p. 24
  2. 2,0 2,1 Michael Doukas, Historia Bizantina, chap. XX
  3. 3,0 3,1 Vasiliev, A.A., History of the Byzantine Empire, 324-1453 (1958), p. 588
  4. Sphrantzes, ch. 14; translated in Philippides, The Fall of the Byzantine Empire, p. 30

Литература уреди

  • Doukas, Historia Bizantina
  • George Sphrantzes, Chronicle
  • Nicol, D.M., The Last Centuries of Byzantium 1261-1453 (Cambridge University Press, 1993)
  • Vasiliev, A.A., History of the Byzantine Empire, 324-1453 (University of Wisconsin Press, 1958)
Софија Монфератска
Роден(а):  ? Починал(а): 1434
Претходник
Елена Драгаш
Византиска царица
1425–1426
Наследник
Марија Велика Комнина