Соборна црква „Рождество Христово“ (Кишињев)

Соборна црква „Рождество Христово“ (романски: Catedrala Mitropolitană „Nașterea Domnului”) — главната соборна црква на Молдавската православна црква во Секторот Центар, Кишињев, Молдавија. Била нарачана од гувернерот на Новорусија, принцот Михаил Семјонович Воронцов и митрополитот Гаврил Банулеску-Бодони во 1830 година.

Соборна црква „Рождество Христово“
Catedrala Mitropolitană „Nașterea Domnului”
47°01′33.8″N 28°50′04.3″E
Место	Кишињев
Земја	Молдавија
Вероисповед	Православна црква
Историја
Посветена на	Исус
Посветена	15 октомври 1836
Архитектура
Статус	Соборна црква
Архитект(и)	Аврам Мелников
Стил	Ампир
Физички особености
Должина	37,44 м

Соборната црква била изградена во 1830-тите во неокласичен стил од Аврам Мелников (кој проектирал слична црква во Болград). Соборната црква била бомбардирана за време на Втората светска војна, а нејзината камбанарија била уништена од месните комунисти во 1962 година. Новата камбанарија е изградена во 1997 година. За време на советското раздобје, богослужбата била забранета, а соборната црква била претворена во изложбен дом.

Дизајнот на Мелников е неокласичен. Фасадата е многу едноставна и јасна со шест дорски столбови на влезот. Поради бројните разурнувања што ги претрпела соборната црква низ времето, зградата неколкупати била обновувана и бил менуван нејзиниот облик. На пример, сегашната цинкова купола и нејзиниот крст на врвот се додаток од 1997 година изграден врз претходната структура. Внатрешноста била целосно празна за време на советското раздобје, но денес има насликани ѕидови во чист православен стил.

• 
  За време напротестите на парламентарните избори во 2009
• 
  Камбанаријата
• 
  Камбанаријата и црквата
• 
  Иконостасот
• 
  Молдавското знаме пред црквата.

Поврзано

• Катедралата Преображение во Одеса
• Молдавската православна црква

Надворешни врски

• Соборна црква „Рождество Христово“ (Кишињев) на Ризницата ^?

• Despre catedrală pe situl Mitropoliei Moldovei
• Ansamblul Catedrala Nașterea Domnului