Славеј (планина)
Славеј — планина во областа Дебрца, Западна Македонија, во состав на големиот масив Шара-Кораб-Дешат-Стогово-Караорман. На југ се граничи со Караорман (во потесна смисла), а на север со Бистра. Важи за дел од Караорман.
| Славеј Планина | |
|---|---|
Славеј Планина на карта
| |
| Највисока точка | |
| Надм. вис. | 1.714 м |
| Географија | |
| Место | Дебрца, западна Македонија |
Историја уреди
За време на Втората светска војна, планината Славеј била партизанска база во состав на слободната територија Дебрца. На неа во 1943 г. се основани неколку партизански единици: одредите „Дримкол“ и „Славеј“, баталјонот „Мирче Ацев“, а во 1944 г. и Шестата македонска ударна бригада. Планината Славеј како седиште на партизаните во Втората светска војна е опеана во народната песна „Гледај ме, мило либе“.[1]
На Славеј Планина на 18 август се одбележува Денот на Армијата на Република Македонија, кој е денот на основањето на баталјонот „Мирче Ацев“.[2]
Славеј Планина како мотив во уметноста уреди
- „Спомен за Славеј“ — песна на македонскиот поет Блаже Конески.[3]
Поврзано уреди
Наводи уреди
- ↑ Томе Саздов, Грива тресе, бисер рони (епска народна поезија). Скопје: Заштита, 1970, стр. 133.
- ↑ „Почесна стрелба во пресрет на Денот на АРМ“. Сител. 17 август 2016. Посетено на 10 февруари 2017.
- ↑ Блаже Конески, Поезија. Скопје: Просветно дело, Редакција „Детска радост“, 2011, стр. 86.
Надворешни врски уреди
- Натпреварувачко искачување на Славеј Планина со топографска карта и профил на патеката Архивирано на 1 септември 2012 г. — ПД „Макпетрол“