Севиља (покраина)
Севиља (шпански: Sevilla) — покраина во јужна Шпанија, во западниот дел на автономната заедница Андалусија. Се граничи со покраините Малага, Кадис на југ, Уелва на запад, Бадахос на север и Кордоба исток. Севиља е главен град на покраината, како и на цела Андалусија.[1]
| Севиља Sevilla | |||
|---|---|---|---|
| покраина | |||
| |||
 Покраината во рамките на Шпанија | |||
| Земја |  Шпанија | ||
| Автон. заедница |  Андалусија | ||
| Седиште | Севиља | ||
| Управа | |||
| • Претседател | Фернандо Родригес Виљалобос | ||
| Површина | |||
| • Вкупна | 14.036 км2 (5,419 ми2) | ||
| Население (2022) | |||
| • Вкупно | 1.963.000 | ||
| • Густина | 139,44/км2 (361,1/ми2) | ||
| Службени јазици | шпански | ||
| Мреж. место | dipusevilla.es | ||
Преглед
уредиСместен на јужниот брег на реката Гвадалкивир, градот Севиља е најголемиот во Андалусија.[2] Маврите ја поделиле поранешната покраина Андалусија на четири кралства — Севиља, Кордоба, Хаен и Гранада.[3] Севиља има најголем БДП од сите покраини во Андалусија. По неа следат покраините Малага и Кадис.[4] Севиљското пристаниште има големо стопанско значење за покраината.[5]
Покраината зафаќа површина од 14.036 км2. Населението брои 1.963.000 жители (2022), од кои околу 40 % живеат во главниот град, а густината изнесува 139,44 жит./км2. Таа опфаќа 105 општини. Го дели националниот парк „Доњана“ со покраината Уелва. Во неа се наоѓа и природнио парк Сиера Норте де Севиља (177.484 ха), најголемото заштитено подрачје во Андалусија.[2] Реката Гвадалкивир минува низ покраината од исток кон запад. Други поважни реки се Гвадијана, Пинта и Ксенил.[6] Северниот дел е претежно планински.[7][8] Севиља има топла средоземна клима со просечна годишна температура од 18,5 °C. Зимите се благи, а летата се врели. Лете максималната температура надминува 40 °C. Местото Есиха е наречено „Тавата на Андалусија“ for поради жешките лета.[9][10] Во неа се произведуваат големи количества пченка.[6] Туризмот е доста развиен; Севиља е меѓу водечките градови во Андалусија, и зад Барселона и Мадрид на државно ниво. Во 208 г. п.н.е. целото население на населбата на местото на денешна Естепа ги изгорело своите домови и извршило самоубиство пред нападот на Римјаните.[2] Севиља е град со најголема густина на барокни цркви во светот.[11] Од 1982 до 2000 г. во покраината постојано победувала Социјалистичката работничка партија. Во споредба со останатите покраини во Шпанија, Севиља важи за недоволно развиена.[12]
Наводи
уреди- ↑ „Province of Sevilla“. Andalucia. Посетено на 29 септември 2014.
- ↑ 2,0 2,1 2,2 „Province of Sevilla“. Spain Holiday. Посетено на 29 септември 2014.
- ↑ The Royal Military Chronicle: Or, British Officers Monthly Register and Mentor. V.1-7, Nov.1810-Apr.1814; New Ser. V.1-6, May 1814-Apr.1817. J. Davis. 1812. стр. 9.
- ↑ „Anuario Económico La Caixa 2012“ (шпански). La Caixa. Архивирано од изворникот на 20 јуни 2012. Посетено на 29 септември 2014.
- ↑ Coto-Millán, Pablo; Inglada, Vicente (2007). Essays on Transport Economics. Springer Science & Business Media. стр. 185. ISBN 978-3-7908-1765-2.
- ↑ 6,0 6,1 Bell 1832, стр. 274.
- ↑ Bell 1832, стр. 273.
- ↑ Bell, James (1832). A System of Geography, Popular, and Scientific: Or A Physical, Political, and Statistical Account of the World and Its Various Divisions. A. Fullarton and Company. стр. 273.
- ↑ Facaros, Dana; Pauls, Michael (2008). Andalucia. New Holland Publishers. стр. 132. ISBN 978-1-86011-389-5.[мртва врска]
- ↑ Malte-Brun, Conrad (1831). Universal Geography, Or, a Description of All the Parts of the World, on a New Plan: Spain, Portugal, France, Norway, Sweden, Denmark, Belgium, and Holland. A. Black. стр. 106.
- ↑ Head, Jeremy (2011). Frommer's Seville, Granada and the Best of Andalusia. John Wiley & Sons. стр. 1239. ISBN 978-1-119-99445-9.
- ↑ Vobolevicius, Vincentas (2007). Politics of State Aid. Electoral Motivations Behind Government Assistance to Industries in Germany, Spain and the United Kingdom. ProQuest. стр. 129. ISBN 978-0-549-58314-1.[мртва врска]
Поврзано
уредиНадворешни врски
уреди
Севиља (покраина) на Ризницата ?- Портал на покраинската управа на Севиља (шпански)
