Самбра
Самбра (француски: Sambre, Самбр) — река во северна Франција и Валонија, Белгија. Таа е лева притока на поголемат арека Меза, во која се влева во градот Намир.
| Самбра | |
|---|---|
 Самбра низ центарот на Намир, Белгија | |
  извор  утока Изворот и утоката на Самбра на карта на Белгија | |
| Изворно име | Sambre (француски) |
| Местоположба | |
| Земја | Белгија, Франција |
| Физички особености | |
| Извор | |
| • место | Ле Нувион во Тјераш, Пикардија |
| • координати | 50°01′49″N 3°50′29″E / 50.0302° СГШ; 3.8413° ИГД |
| • надм. вис. | 199 м |
| Устие | |
• место | Меза во Намир |
• координати | 50°27′43″N 4°52′15″E / 50.4619° СГШ; 4.8708° ИГД |
| Должина | 193 км |
| Големина на сливот | 2.740 км2 |
| Особености на сливот | |
| Течение | Меза→ Северно Море |
Реката извира кај Ле Нувион во Тјераш во департманот Ена, Франција. Минува низ француско-белгиското јагленарско подрачје, кое некогаш било од голема индустриска важност. Пловноста почнува од Ландреси во раскрсницата со каналот кон Оаза, кој го поврзува со централната речна сообраќајна мрежа на Франција (барем пред структурните пореметувања во 2006 г.).[1] Тече во должина од 54 км и минува низ 9 преводници со димензии од 38,5 × 5,2 м сè до белгиската граница кај Жемон. Почнувајќи од границата, Самбра е канализирана во два посебни потега долж 88 км, и има 17 преводници. Потегот Горна Самбра е долг 39 км и има 10 преводници со иста големина како француските, и оди до индуструскиот град Шарлероа. Остатокот од течението во Белгија е надограден на европска класа IV (товарни пловила до 1.350 тони) непосредно по Втората светска војна. Лежи во западниот крај на Индустриската бразда (Sillon industriel), која и денес претставува срцевината на индустријата во Валонија, и покрај целосното замирање на јагленарството и челичарството. Го достигнува градот Намир и се влева во Меза, која пак самата завршува во Северното Море.
Пловните делови во Франција се под надлежност на управата Водни патишта на Франција, а со оние во Белгија раководи Јавната служба на Валонија во рамките на Генералната оперативна дирекција за внатрешни водни патишта[2]
Течение уреди
Самбра тече низ следниве градови и гратчиња во Франција и Белгија, наведени според матичните департмани и покраини:
Ена: Барзи во Тјераш- Север: Ландреси, Олноа-Емери, Отмон, Мобеж
Ено: Тиен, Монтињи ле Тијел, Шарлероа- Намир: Флореф, Намир
-
Самбра кај Онската опатија во Белгија -
Самбра кај Влавин, Намур -
Самбра кај Ам на Самбра -
Самбра кај Мустје на Самбра
Поважни притоки уреди
Реката Самбра ги има следниве поважни притоки:[3]
Занимливости уреди
- Во реката се самоубила мајка му на познатиот надералистички сликар Рене Магрит, фрлајќи се во нејзините води.
- Во Првата светска војна крај реката се одвивале низа тешки борби. Од нив се издвојуваат Битката кај Шарлероа (1914) и Битката на Самбра, во последните месеци од војната (1918).
Наводи уреди
- ↑ Edwards-May, David (2010). Inland Waterways of France. St Ives, Cambs., UK: Imray. стр. 246–249. ISBN 978-1-846230-14-1.
- ↑ Edwards-May, David (2014). European Waterways Map and Concise Directory. Lambersart, France: Transmanche. стр. 11–12, 17–20 and fold-out map. ISBN 979-10-94429-00-6.
- ↑ „Contrats de rivière en Wallonie - Sambre“. Environnement.wallonie.be. Посетено на 25 March 2018.
- ↑ „Le Ruisseau "le Piéton" - Piéton, Village du Hainaut“. Pieton.eu. Архивирано од изворникот на 2014-07-28. Посетено на 25 March 2018.
- ↑ Податоци за течението на Солтра Архивирано на 4 март 2016 г. (француски)
Надворешни врски уреди
| „Самбра“ на Ризницата ? |
- За сливот на Самбра — база „Сандр“ (француски)
- Реката Самбра и каналот на Самбра до Оаза со карти и поединости за местата, сидриштата и други услужни места за пловила — портал „Француски водни патишта“ (англиски)
- Поединости за пловидба по 80 реки и канали во Франција — портал „Француски водни патишта“ (англиски)