Римска Црква (Другово)

Римска Црква — археолошко наоѓалиште во кичевското село Другово. Претставува некропола од средниот век. Се наоѓа во непосредната близина на црквата „Св. Недела“, од северната страна, каде постои грамада од кршен камен долга 20 м, широка 5 м и висока 1,5 м. При изградбата на црквата, според исказите на месен жител, од грамадата биле вадени камења при што биле откриени седум гроба во кои имало гробни прилози. Исти такви гробови биле откриени и покрај селскиот пат што поминува од западната страна на црквата и грамадата.

Поврзано

• Другово;
• Список на археолошки наоѓалишта во Кичевско;