Ратко Левајковски

Ратко Крстов Левајковски ( 1926 во Мирковци, Скопско ― 16 декември 1944 во Скопско) — македонски партизан, револуционер, борец за слобода на Македонија и учесник во НОВ.

Животопис

Завршил основно училиште, а потоа се занимавал со земјоделство. На 10 октомври 1944 година стапил во Шеснаесеттата македонска ударна бригада, со која учествувал во борбите против балистите на падините на Скопска Црна Гора, како и во акциите против Германците во Качаничка Клисура. Во тој период се разболел од тифус. Бил префрлен на лечење во болницата на Корпусот. Меѓутоа, тешката болест го совладала. Починал на 16 декември 1944 година. Неговите посмртни останки биле погребани на селските гробишта во Мирковци.