Пол Пирс

Пол Пирс
	;
Лични информации
Роден на	13 октомври 1977 (46 г.)
Роден во	Оукланд, Калифорнија
Националност	САД
Висина	2,01 м
Тежина	107 кг
Позиција	крило
Информации за кариерата
Колеџ	Канзас Џејхокс
Драфт	1998 / Рунда: 1 / Пик: 10
Избран од:	Бостон Селтикс
Проф. кариера	1998—2017
Сениорски клубови
Години:	Клубови:
1998–2013; 2013–2014; 2014–2015; 2015–2017	Бостон Селтикс; Бруклин Нетс; Вашингтон Визардс; Л.А. Клиперс
Репрезентација
2002	САД

Пол Ентони Пирс (роден на 13 октомври 1977) — поранешен американски кошаркар, кој играл на позицијата крило, настапувал 19 сезони во НБА-лигата со екипите на Бостон Селтикс, Бруклин Нетс, Вашингтон Визардс и Лос Анџелес Клиперс. Имал прекар the Truth (вистината), кој го добил во 2001 година од Шекил О'Нил.

Важи за еден од најдобрите кошаркари на својата генерација,^[1]^[2] и еден од најдобрите во историјата на Селтикс.^[3]^[4] Во средно училиште тој бил избран да учествува на All-American Game McDonald's, турнирот на кој учествуваат најголемите таленти за средношколска кошарка. Потоа се преселил на Универзитетот во Канзас и бил вклучен во најдобриот американски универзитетски тим. Тој беше избран од Бостон Селтикс како десетти пик во првата рунда на НБА драфтот 1998.

Од своето приклучување на Селтикс, тој бил член на почетната петорка во сите сезони. Тој има просек од близу 20,0 бода по натпревар во текот на своите 19 сезони поминати во НБА. Десет пати на НБА Ол-стар натпреварот, еднаш бил избран во втората најдобра екипа на НБА и трипати во третата најдобра екипа и ги водел Селтикси до НБА финалето во 2008 и во 2010 година, освојувајќи го шампионскиот прстен во 2008 година во која ја заработил и наградата МВП на финалето.

Пирс е еден од тројцата играчи, заедно со Лари Берд и Џон Хавличек, кои постигнале над 20.000 бода во дресот на Селтикс.^[5] Тој е трет во историјата на Селтикси по одиграни натпревари, втор по постигнати бодови, седми по бројот на скокови, петти по бројот на асистенции и втор по бројот на украдени топки, а исто така го држи рекордот по бројот на постигнати тројки во историјата на франшизата.