Повести за Карлсон

„Повести за Карлсон“ - книга за деца на шведската писателка Астрид Линдгрен која ги содржи трите нејзини книги за Карлсон од покривот.

Содржина

Книгата се состои од три дела

1. Карлсон што живее на покривот
2. Карлсон од покривот одново лета
3. Еве го пак Карлсон од покривот

Изданија на македонски јазик

Книгата „Повести за Карлсон“ е објавена на македонски јазик во 1978 година од издавачката куќа „Детска радост“, како деветти наслов во едицијата „Ѕуница“. Преводот од руски јазик го направил Евтим Манев, а автор на кориците и на внатрешните илустрации е Владо Јоциќ. Книгата е отпечатена во печатницата на НИП „Нова Македонија“ во тираж од 2 000 примероци. Книгата не е каталогизирана и не ја поседува меѓународната ознака ISBN.