Филип II (плоштад)
Филип II (до 2013 г. Карпошово востание) — плоштад во Скопје, сместен на влезот на Старата скопска чаршија. Бил именуван е во чест на големиот македонски бунтовник, Петар Карпош и неговото востание од 1689 г, но по поставувањето на големата фонтана со статуа на Филип II Македонски, плоштадот бил преименуван во името на овој крал на Македонија со одлука на советот на Град Скопје.[1]
Изглед
уредиСпоред последните измени на плоштадот, коишто се дел од проектот Скопје 2014, плоштадот претставува комплекс од четири фонтани со скулптури, меѓу кои доминира фонтана со споменик на Филип Втори Македонски, заедно високи 28 метри. На плоштадот се наоѓа и скулптура која ја претставува Олимпија, мајката на Александар Македонски со нејзиниот син в раце. Веднаш до Камениот мост се наоѓа уште една фоната на којашто има четири бронзени коњи. Под плоштадот била предвидена и изградба на подземен паркинг за 70 возила. Целиот проект за уредување на плоштадот чини околу пет милиони евра, од кои три се потрошени за леење на скулптурите во Италија. Сите скулптури се дело на Валентина Каранфилова-Стевановска. Скулптурите се леани во леарница „Фондерија артистика Гуастини".[2]
Со самото доуредување и изградба на овој плоштад и со новите објекти, како Меморијалниот музеј на Холокаустот, Музејот на ВМРО и Стариот театар, ова културно-историско јадро на градот добива лик и заедно со улицата и плоштадот Македонија, Камениот мост и чаршијата станува дел од привлечна пешачка зона. ка
Наводи
уреди- ↑ „Плоштадот „Карпошово востание" преименуван во „Филип Втори"“. Архивирано од изворникот на 2016-02-04. Посетено на 2013-12-15.
- ↑ „Само Карпош го нема на Карпошово востание“. Вест. 8 ноември 2011.[мртва врска]