Петре Митевски
Петре Велков Митевски ( 1918 во Драчево, Скопје — 29 април 1945 во Брестовац, Хрватска) — македонски партизан, борец за слобода на Македонија и учесник во НОВ.[1]
Животопис уреди
Потекнувал од селско сиромашно семејство. Се занимавал со земјоделство. По ослободувањето на Македонија стапил во Шеснаесеттата македонска ударна бригада со која учествувал во ликвидирањето на балистичките банди и нивното разоружување. Со XV македонски корпус учествувал во ослободувањето на уште неослободените краишта на Југославија и во пробивот на Сремскиот фронт. На 29 април 1945 година храбро загинал, во една битка кај Брестовац.[1]