Нон Стоп (музичка група)
Оваа статија можеби бара дополнително внимание за да ги исполни стандардите за квалитет на Википедија. Ве молиме подобрете ја оваа статија ако можете. |
Фактографската точност на оваа статија или поднаслов може да е доведена во прашање поради застарени информации. Можете да ја подобрите статијата подновувајќи ја. Можно е да има информации на разговорната страница. |
Нон-Стоп e музичка група која е формирана од Арбен Шаќири и Дарко Тасев. Овие млади луѓе практично ја започнале својата соработка во лето 2000 година во студиото „Ентерпрајз“ на Валентино Скендеровски, реализирајќи ја темата „Без мудрости“, со која на 12 октомври дебитираа на Макфест 2000. Претходно и двајцата имале солидно музичко искуство. Бени, како соло-изведувач имал реализирано повеќе снимки, додека Дарко како гитарист членувал во составот Октавијан, кој смени неколку постави, но за Продукција на МРТВ успеал да реализира еден носач на звук (аудио касета). По успехот на Макфест, Нон-Стоп, како најдобри дебитанти таа година, ја визуелизирале нивната деби-песна „Без мудрости“, која една година подоцна, на истата музичка смотра е прогласена за најслушана песна меѓу два фестивала.
| Benny & NON - STOP | |
|---|---|
| Потекло | Скопје, Македонија |
| Жанрови | Хард рок, хеви метал |
| Период на активност | 2000 - денес |
| Соработници | Мики Јовановски - Џафер, Олгица Христовска, Васко Тодоров, Тоше Поп Симонов, Венко Серафимовски, Дарко Мучев, Ева Скендеровска |
| Членови | |
| Бени Шаќири Горан Станковиќ - Црни Владимир Икономов - Хистер Бобан Василески Методија Атансовски | |
Веќе во ноември истата, 2000 година, Нон Стоп и гостувале на малата Ева Скендеровска, во темата „Голем одмор“, а со идентичен, цврст рок стил, и со иста стратегија, продолжиле и по реализацијата на следната композиција „Сам“, објавена во февруари 2001 година. Веќе на следниот Макфест (2001 година) настапиле со композицијата „Човек - ѕвер“, по што, под продуцентската палка на Валентино Скендеровски, започнале со реализација на песните за нивното деби-остварување Суперстар, кое (работено од ноември 2001 до јуни 2002 година) се најде во продажба на 21 јуни 2002 година, и кое предизвика одлични реакции кај публиката. Суперстар, инаку, содржеше 11 песни, од кои четири стари („Без мудрости“, „Сам“, „Човек - ѕвер“ и „Голем одмор“, која со Ева ја исполнија на детскиот фестивал Супер ѕвезда) и седум нови песни, од кои „По навика„ (текст на Тоше Поп Симонов) веднаш стана голем хит, иако спотот за неа, со задоцнување, премиерно беше емитуван дури во септември. Меѓу гостите на албумот се појавија: Мики Јовановски - Џафер, Олгица Христовска, Васко Тодоров (Тошо Малерот од К-15), Тоше Поп Симонов, Венко Серафимовски, Дарко Мучев, Ева Скендеровска и голем број други музичари. Како автори на материјалот се јавуваат Арбен Шаќири, Валентино Скендеровски и Дарко Тасев, а во улога на текстописци се: Весна Малинова, Тоше Поп Симонов и Венко Серафимоваски.
Паралелно со овој албум Шаќири со екипа на свои музички пријатели, (Валентино Скендеровски, Димитар Кочев, Дарко Тасев, Горан Станковиќ - Црни, Влатко Икономов - Хистер и Марија Костова) работеше на мултиетничкото цеде, симболично насловено Multivitamine music projekt, на кое се најдоа дванаесет нови песни (специјално направени за ваква, многуетничка намена) - по две на јазиците на кои се зборува во Македонија: македонскиот, албанскиот, српскиот, турскиот, ромскиот и влашкиот. За македонската песна „Совршен ден“ е реализирано интересно видеоостварување, а самиот проект, кој во продажба се појави во финалето на 2002 година, финансиски го поддржаа невладините организации УСАИД и ИОМ.
Во почетокот на 2003 година Нон Стоп го објавија спотот за темата „Тотално луд“, со што го најавивја својот прв солистички концерт, закажан за 29 јануари, во скопската Универзална сала. Комплетната аудио и видео снимка од концертот по реализацијата повторно беше вратена во студио, со цел да се направи ремикс на матерјалот, и конечно, и во Македонија да се добие релевантен концертен запис, сработен по светски стандарди и норми. Инаку, концертот беше снимен на 48-канална дигитална техника, а истиот националната, Македонска радио-телевизија, го емитуваше во половината на септември 2003 година.
На 5 септември 2003 Нон Стоп го објавува синглот „Биди ми брат, биди ми френд“, инаку една од ударните теми на популарната детска ТВ-серија „Наше маало“. Автор на музика и текст на оваа песна е Венко Серафимовски, додека спотот е дело на Чедомир Поповски. Претстојниот период Бени и Дарко ќе го искористат за реализацијата на идеите за песни кои ќе се најдат на нивниот нов албум.
Надворешни врски уреди
- Податоци за музичкото портфолио на бендот може да најдете на ВБУ Музички Регистар.