Неферкаре Неби (исто Неферкаре III) бил староегипетски фараон на Осмата династија за време на раниот Прв преоден период (2181–2055 г. п.н.е.).[1] Според египтолозите Јурген фон Бекерат и Дарел Бејкер, тој бил четврт крал на Седмата династија, бидејќи се појавува како четврт крал во списокот од Абидос меѓу кралевите од таа династија.[2][1]

Неферкаре Неби
Неферкаре III
TКартуш на Неферкаре Неби од Кралски список од Абидос.
Фараон на Египет
ВладеелНепознато, Осма династија?
ПретходникНеферкаре II?
НаследникЏедкаре Шемаи?
ТаткоПепи II Неферкаре или Меренре Немтиемсаф I?
МајкаАнкесенпепи II?
ЗакопанПирамидата „Неферкаре Неби е траен живот“, најверојатно во Сакара

Името на Неферкаре Неби е јасно читливо на списокот од Абидос (број 43), и за разлика од другите кралеви од тој период, потврден е преку два други извори од тој период. Неговото име се појавува на лажната врата во гробницата на Анкесенпепи II, а испишано е и на нејзиниот саркофаг. Ова покажува дека мајката на Неферкаре Неби била кралицата Анкесенпепи II, поради што најверојатно негов татко бил Меренре Немтиемсаф I.[1] Стелата на Анкесенпепи II содржи запис дека Неферкаре Неби започнал со изградба на пирамида, најверојатно во Сакара, а името на пирамидата било Ḏd-ˁnḫ Nfr-k3-rˁ nbjj, со значење „Неферкаре Неби е траен живот“.[2] Местоположбата на пирамидата е непозната, а можно е дека никогаш не стигнала до фаза на изградба.[1]

Како и многумина кралеви од Осмата династија, Неферкаре Неби не се споменува во Торинскиот канон поради големата лакуна што се појавила на местото каде би требало да биде наведен.[3]

Наводи уреди

  1. 1,0 1,1 1,2 1,3 Darrell D. Baker, The Encyclopedia of the Pharaohs: Volume I – Predynastic to the Twentieth Dynasty 3300-1069 BC, Stacey International, ISBN 978-1-905299-37-9, 2008, p. 267-268.
  2. 2,0 2,1 Jürgen von Beckerath, Handbuch der ägyptischen Königsnamen (Münchner Ägyptologische Studien 20), 1984.
  3. Kim Ryholt, “The Late Old Kingdom in the Turin King-list and the Identity of Nitocris”, Zeitschrift for ägyptische Sprache 127, 2000, p. 99.